nisha parulekar actress to politics victory : मराठी मनोरंजन विश्वात ओळख असलेली अभिनेत्री Nisha Parulekar सध्या चर्चेच्या केंद्रस्थानी आहे. कारण यावेळी चर्चा तिच्या एखाद्या नव्या मालिकेची किंवा चित्रपटाची नाही, तर तिच्या राजकारणातील दमदार यशाची आहे. १५ जानेवारी रोजी पार पडलेल्या मुंबईसह राज्यातील २९ महानगरपालिकांच्या निवडणुकांनंतर आज १६ जानेवारीला निकाल जाहीर झाले आणि त्यामध्ये Nisha Parulekar यांनी घवघवीत विजय मिळवत सर्वांचं लक्ष वेधून घेतलं.
मुंबई महापालिकेच्या निवडणुकीकडे संपूर्ण देशाचं लक्ष लागलेलं असताना भाजप आणि शिंदे गटाच्या शिवसेनेच्या युतीने जोरदार मुसंडी मारली. या यशामध्ये अनेक राजकीय चेहऱ्यांसोबतच मनोरंजन क्षेत्रातून आलेल्या Nisha Parulekar यांचा विजय विशेष ठरला. कांदिवली पूर्व प्रभाग क्रमांक २५ मधून त्यांनी भाजपच्या तिकिटावर निवडणूक लढवली आणि मतदारांचा स्पष्ट कौल आपल्या बाजूने वळवला.
ही लढत केवळ राजकीय नव्हे, तर सेलिब्रिटी विरुद्ध अनुभवी राजकीय चेहरे अशीही पाहिली जात होती. Nisha Parulekar यांच्यासमोर ठाकरे गटाच्या माधुरी भोईर यांचं मोठं आव्हान होतं. त्यातच स्थानिक पातळीवरील नाराजीमुळे अपक्ष उमेदवारही मैदानात उतरल्याने निवडणूक अधिक रंगतदार झाली होती. मात्र या सगळ्या समीकरणांवर मात करत Nisha Parulekar यांनी विजय मिळवला आणि अभिनेत्री म्हणून असलेली लोकप्रियता ही केवळ पडद्यापुरती मर्यादित नाही, हे सिद्ध केलं.
मनोरंजन क्षेत्रात Nisha Parulekar यांनी रंगभूमी, मालिका आणि चित्रपट अशा तिन्ही माध्यमांमध्ये काम केलं आहे. भरत जाधव यांच्यासोबतचं ‘सही रे सही’ हे नाटक आजही प्रेक्षकांच्या स्मरणात आहे. ‘काळुबाई पावली नवसाला’, ‘अशी होती संत सखू’, ‘सासूच्या घरात जावयाची वरात’, ‘पोलीस लाईन’, ‘हरी ओम विठ्ठला’ आणि ‘तीन बायका फजिती ऐका’ यांसारख्या चित्रपटांमधील त्यांच्या भूमिका लोकप्रिय ठरल्या. विशेषतः ‘दख्खनचा राजा जोतिबा’ या मालिकेतील महालक्ष्मी अंबाबाईची भूमिका घराघरात पोहोचली होती.
हे पण वाचा.. अभिनयापलीकडचा नवा प्रवास : स्वानंदी बेर्डे ने सुरू केला स्वतःचा ज्वेलरी ब्रँड, चाहत्यांमध्ये चर्चा
पडद्यावर देवीची भूमिका साकारलेल्या Nisha Parulekar आता प्रत्यक्ष आयुष्यात जनतेच्या प्रतिनिधीच्या भूमिकेत दिसणार आहेत. मनोरंजन विश्वातून राजकारणात यशस्वी प्रवेश करणाऱ्या अभिनेत्रींच्या यादीत त्यांचं नाव आता ठळकपणे घेतलं जात आहे. चाहत्यांसाठीही हा क्षण अभिमानाचा असून, अभिनेत्री म्हणून जिंकलेली लोकप्रियता त्यांनी आता जनतेच्या विश्वासात कशी रूपांतरित केली, हे पाहणं उत्सुकतेचं ठरणार आहे.
हे पण वाचा.. चुकीच्या व्यक्तीपेक्षा एकटीच बरी’ क्रिस्टल डिसूझा हिने ब्रेकअपनंतर प्रेमावर व्यक्त केलं स्पष्ट मत
