Tharala Tar Mag 15 January Episode Update : स्टार प्रवाहवरील लोकप्रिय मालिका Tharala Tar Mag च्या 15 जानेवारी 2026 च्या भागात प्रेक्षकांना भावनिक आणि थरारक घटनांचा अनुभव मिळणार आहे. अर्जुन आणि महिपत यांच्यात झालेल्या झटापटीनंतर अर्जुन गंभीर जखमी झाल्याचं समजताच संपूर्ण कुटुंब हादरलेलं दिसतं. रविराज त्याला तातडीने हॉस्पिटलमध्ये दाखल करतो. घरी सगळं काही ठीक असल्याचा देखावा ठेवण्याचा प्रयत्न केला जात असला, तरी सत्य लपून राहत नाही. अर्जुन जखमी असल्याचं कळताच सायलीची काळजी स्पष्टपणे समोर येते.
सायली अर्जुनला भेटण्यासाठी हॉस्पिटलमध्ये धाव घेते. त्याला जखमी अवस्थेत पाहून तिच्या डोळ्यांत पाणी येतं. अर्जुनची विचारपूस करताना तिची अस्वस्थता आणि प्रेम दोन्ही दिसून येतात. सायलीची ही अवस्था पाहून रविराजलाही समाधान वाटतं, तर अश्विन डॉक्टरांशी बोलून अर्जुनच्या तब्येतीबाबत सविस्तर माहिती घेतो. सायली आणि अर्जुनमधील नात्याची खोली या प्रसंगातून पुन्हा अधोरेखित होते.
दुसरीकडे, पोलिसांनी महिपतला ताब्यात घेतल्याने कथानकाला नवं वळण मिळतं. पोलिसांकडून होणाऱ्या चौकशीत आणि मारहाणीतही महिपत एक शब्दही बोलत नाही. मात्र, ही शांतता प्रियासाठी धोक्याची ठरते. महिपत कधीही तोंड उघडेल, या भीतीने प्रिया अक्षरशः अस्वस्थ होते. नागराजसुद्धा आतून घाबरलेला असतो. सुमनने शत्रूला मदत केल्याची किंमत तिला चुकवावी लागत असून नागराज तिच्यावर अधिकच अत्याचार करतो. पोलिस सुमनपर्यंत पोहोचतील या भीतीने नागराज तिला दुसरीकडे हलवण्याचा निर्णय घेतो.
सायली हॉस्पिटलमध्ये असताना घरातही वातावरण तणावाचं असतं. अस्मितासह सगळेच अर्जुनच्या तब्येतीबाबत चिंतेत असतात. अखेर सायलीकडून अर्जुन स्थिर असल्याची बातमी मिळाल्यावर सगळ्यांना थोडा दिलासा मिळतो. त्याच वेळी चैतन्य अर्जुनसाठी डबा घेऊन येतो. पोलिसांकडून आलेल्या फोनमध्ये महिपतने अजून काहीही उघड न केल्याचं कळतं, हे ऐकून प्रिया आणखीनच घाबरते.
हॉस्पिटलमध्ये अर्जुन सायलीला धीर देत सांगतो की, संकटाच्या क्षणी त्याच्या डोळ्यांसमोर फक्त तिचाच चेहरा होता. सायली सोबत असल्याने काहीच बिघडणार नाही, असा विश्वास तो व्यक्त करतो. या भावनिक क्षणांमुळे सायली आणि अर्जुनचं नातं अधिक घट्ट होतं. मात्र, दुसऱ्या बाजूला प्रिया आणि नागराजची झोप उडालेली असते. साक्षीचं गुपित किती दिवस त्यांना वाचवणार, हा प्रश्न त्यांच्या मनात सतत घोळत राहतो.
हे पण वाचा.. वीण दोघांतली ही तुटेना’मध्ये भीषण वळण! अंशुमनच्या कटामुळे रोहनचा अपघात, स्वानंदीवर मोठं संकट
Tharala Tar Mag चा हा भाग प्रेम, भीती आणि गुपितांच्या संघर्षाने भरलेला असून पुढील भागांमध्ये 22 वर्षांपूर्वीच्या अपघाताचं सत्य बाहेर येणार का, याची उत्सुकता प्रेक्षकांमध्ये वाढली आहे.
हे पण वाचा.. कमळी–लक्ष्मी निवास महासंगमात मोठा ट्विस्ट, कामिनी–अनिकाला मिळाली शिक्षा
