kamali lakshmi nivas mega crossover new twist : झी मराठी वाहिनीवरील Kamali आणि ‘Lakshmi Niwas’ या दोन्ही लोकप्रिय मालिकांचा महासंगम सध्या प्रेक्षकांचे लक्ष वेधून घेत आहे. या विशेष भागांमध्ये कथानकाला वेगळं वळण मिळत असून अनेक रहस्यं उलगडताना दिसत आहेत. विशेषतः Kamali मालिकेतील घडामोडींमुळे प्रेक्षकांमध्ये मोठी उत्सुकता निर्माण झाली आहे.
Kamali मालिकेत कमळीचा संघर्षमय प्रवास सुरुवातीपासूनच दाखवण्यात आला आहे. गावात आईसोबत साधं आयुष्य जगणारी कमळी, स्वतःची स्वप्नं पूर्ण करण्यासाठी आणि शिक्षणासाठी मुंबईत येते. मात्र, शहरात पाऊल टाकताच तिच्यासमोर अडचणींचा डोंगर उभा राहतो. कॉलेजमध्ये प्रवेश मिळवण्यासाठी तिला प्रचंड संघर्ष करावा लागतो. या सगळ्यात अनिका ही कमळीची मोठी शत्रू ठरते. पहिल्या भेटीपासूनच अनिकाला कमळीची ईर्षा वाटत होती आणि त्यातूनच तिने कमळीचं आयुष्य अवघड करण्याचा प्रयत्न केला.
कमळीला कॉलेजमध्ये प्रवेश मिळू नये यासाठी अनिकाने अनेक कट रचले. प्रवेश मिळाल्यानंतरही तिने आजी कामिनीच्या मदतीने कमळीला सतत त्रास दिला. कधी कॉलेजमधून बाहेर काढण्याचे डाव, तर कधी मानसिक दबाव – अशा अनेक संकटांचा सामना कमळीला करावा लागला. मात्र, कमळीने कधीच हार मानली नाही. निंगी, बंड्या, ऋषी आणि अन्नपूर्णा आजी यांच्या मदतीने तिने प्रत्येक अडथळ्यावर मात केली.
सध्या मालिकेत आणखी मोठा खुलासा पाहायला मिळतो आहे. राजन आणि अन्नपूर्णा आजी आपल्या मोठ्या नातीचा शोध घेत आहेत. राजन आणि गौरी यांचं लग्न झाल्यानंतर त्यांना मुलगी होते, मात्र परिस्थितीमुळे गौरीला तिची ओळख बदलावी लागते. कामिनीच्या कटकारस्थानामुळे गौरी आणि तिची मुलगी कुटुंबापासून दूर जातात. या सगळ्या घटनांमागे कामिनीचा मोठा हात असल्याचं आता हळूहळू समोर येत आहे.
महासंगमच्या आगामी प्रोमोमध्ये अन्नपूर्णा आजी अखेर कामिनी आणि अनिकाला धडा शिकवताना दिसतात. त्या दोघींना घराबाहेर काढून लक्ष्मीच्या घरात काम करण्यास भाग पाडलं जातं. कधीकाळी सत्ता गाजवणाऱ्या कामिनी आणि अनिकाची ही अवस्था पाहून प्रेक्षकही चकित झाले आहेत. अनिकाला साधं काम करताना अपमान सहन करावा लागतो, तर कामिनी थकून जाते. याचदरम्यान सरोज आणि जान्हवीदेखील समोर येताना दिसतात, ज्यामुळे पुढील भागांमध्ये आणखी खुलासे होण्याची शक्यता आहे.
हे पण वाचा.. मकर संक्रांतीत रेश्मा शिंदेचा पारंपरिक लूक; ‘माझी पहिली मकर संक्रांत’ म्हणत शेअर केले खास फोटो
Kamali आणि ‘Lakshmi Niwas’ या महासंगममुळे मालिकेचं कथानक अधिकच रंजक झालं असून आता पुढे काय घडणार, हे पाहणं प्रेक्षकांसाठी उत्सुकतेचं ठरणार आहे.
हे पण वाचा.. Bigg Boss Marathi 6 : पहिल्या नॉमिनेशनमध्ये सागर कारंडे–तन्वी आमनेसामने, घरात तणावाचं वातावरण
