isha sanjay amey narkar romantic tattoo : ‘झी मराठी’वरील गाजलेल्या लाखात एक आमचा दादा या मालिकेमुळे अभिनेत्री Isha Sanjay घराघरांत पोहोचली. या मालिकेत तिने सूर्या दादाच्या बहिणीची, म्हणजेच राजश्री उर्फ राजूची भूमिका साकारली होती. साधी, भावनिक आणि खंबीर अशी ही भूमिका प्रेक्षकांच्या मनाला भिडली आणि Isha Sanjay च्या अभिनयाचं भरभरून कौतुक झालं. मालिकेनंतर ती काही काळ पडद्यापासून दूर असली, तरी तिची चर्चा मात्र कायम सुरू आहे.
सध्या Isha Sanjay तिच्या अभिनयामुळे नव्हे, तर वैयक्तिक आयुष्यामुळे चर्चेत आली आहे. गेल्या काही वर्षांपासून ती अभिनेत्री ऐश्वर्या आणि अविनाश नारकर यांचा मुलगा अमेय नारकरसोबत रिलेशनशिपमध्ये आहे. काही महिन्यांपूर्वी सोशल मीडियावर रोमँटिक फोटो शेअर करत तिने आपल्या नात्याची जाहीर कबुली दिली होती. त्यानंतर दोघांच्या नात्याबद्दल चाहत्यांमध्ये उत्सुकता वाढली होती.
आता Isha Sanjay ने शेअर केलेल्या एका नव्या पोस्टने सर्वांचं लक्ष वेधून घेतलं आहे. ईशा आणि अमेय या दोघांनीही एकसारखा टॅटू गोंदवून घेतला आहे. त्यांच्या हातावर मांजराचं चित्र असून त्याखाली २६ ही तारीख लिहिलेली दिसते. या टॅटूचे फोटो शेअर करत अभिनेत्रीने “Two cats, one universe” असं कॅप्शन दिलं आहे. यासोबतच, “२६ ही फक्त एक तारीख नाही, तर आमच्यासाठी आयुष्य बदलणारा एक खास क्षण आहे. Two souls, one story…” असं भावनिक कॅप्शनही तिने लिहिलं आहे.
या क्युट फोटोंवर चाहत्यांनी कमेंट्सचा पाऊस पाडला असून, अनेकांनी दोघांच्या नात्याला शुभेच्छा दिल्या आहेत. अमेय नारकर सध्या परदेशात उच्च शिक्षण घेत असून त्यालाही मनोरंजनसृष्टीत करिअर घडवायचं आहे. नुकताच तो भारतात परतला आणि त्यावेळी Isha Sanjay ने त्याचं अतिशय प्रेमाने स्वागत केल्याचंही पाहायला मिळालं होतं. दोघांची ओळख अनेक वर्षांची असून, त्यांचं नातं हळूहळू अधिक घट्ट होत गेलं आहे.
काही महिन्यांपूर्वी एका ‘आस्क मी सेशन’मध्ये चाहत्याने “तुझं लग्न झालंय का?” असा प्रश्न विचारला असता, अमेयसोबतचा फोटो शेअर करत Isha Sanjay ने “लग्न नाही झालंय, कारण सध्या कोणीतरी खूप दूर आहे” असं उत्तर दिलं होतं. याशिवाय, ऐश्वर्या नारकर यांच्या वाढदिवशीही तिने खास पोस्ट शेअर करत कुटुंबाशी असलेलं आपुलकीचं नातं दाखवलं होतं.
हे पण वाचा.. जय दुधाणे हेमलता बाणे अटकेवर मराठी अभिनेत्रीची परखड प्रतिक्रिया; ‘मोठ्या फसवणूकदारांवर कारवाई कधी?’
दरम्यान, लाखात एक आमचा दादा नंतर Isha Sanjay पुन्हा कोणत्या नव्या मालिकेत झळकणार, याकडे तिचे चाहते उत्सुकतेने पाहत आहेत. अभिनयासोबतच तिची ही प्रेमकथा सध्या सोशल मीडियावर चर्चेचा विषय ठरत आहे.
हे पण वाचा.. रणपति शिवराय स्वारी आग्रा’ चित्रपटामध्ये छत्रपती शिवाजी महाराजांची भूमिका अभिजीत श्वेतचंद्र साकारणार
