rinku rajguru lavani dance video viral : ‘सैराट’ चित्रपटातून घराघरांत पोहोचलेली अभिनेत्री Rinku Rajguru आजही प्रेक्षकांच्या मनात विशेष स्थान राखून आहे. ‘आर्ची’ या भूमिकेमुळे तिला प्रचंड लोकप्रियता मिळाली, मात्र त्यानंतरही रिंकूने स्वतःला केवळ एका प्रतिमेत अडकवून न ठेवता विविधांगी भूमिका साकारत आपली अभिनयक्षमता सिद्ध केली. अभिनयाबरोबरच रिंकू नृत्यातही तितकीच पारंगत आहे, हे ती वेळोवेळी दाखवत आली आहे.
सोशल मीडियावर Rinku Rajguru चे डान्स व्हिडीओ नेहमीच चर्चेत असतात. प्रसिद्ध कोरिओग्राफर आशिष पाटील यांच्या डान्स स्टुडिओमध्ये ती अनेकदा वेगवेगळ्या जुन्या-नव्या गाण्यांवर सराव करताना आणि सादरीकरण करताना दिसते. काही दिवसांपूर्वी “निगाहें मिलाने को जी चाहता है” या गाण्यावर रिंकू आणि आशिष पाटील यांचा डान्स व्हिडीओ व्हायरल झाला होता. आता मात्र रिंकूने सादर केलेली लावणी सध्या विशेष चर्चेचा विषय ठरत आहे.
लता मंगेशकर यांनी गायलेल्या “राजसा जवळी जरा बसा” या अजरामर लावणी गीतावर Rinku Rajguru ने अत्यंत नजाकतीने नृत्य सादर केलं आहे. नऊवारी साडी, आकर्षक डिझायनर ब्लाऊज, नाकात नथ, गळ्यात हार आणि पायात घुंगरू असा पारंपरिक मराठमोळा लूक रिंकूवर खूपच खुलून दिसतो. तिच्या चेहऱ्यावरील भाव, पदन्यास आणि लावणीतील ठसके पाहून प्रेक्षक भारावून गेले आहेत. या नृत्यात तिला कोरिओग्राफर आशिष पाटीलनेही साथ दिली आहे.
या व्हिडीओसोबत Rinku Rajguru हिने एक भावनिक पोस्टही शेअर केली आहे. लावणी हा पिढ्यान्पिढ्यांचा सांस्कृतिक वारसा असल्याचं सांगत, लहानपणापासून लावणीशी जोडलेल्या आठवणी पुन्हा जिवंत झाल्याचं तिने व्यक्त केलं आहे. अनेक वर्षांनंतर केवळ आवड म्हणून केलेला हा छोटासा प्रयत्न असल्याचं सांगत तिने अवघ्या दोन तासांच्या सरावात ही लावणी सादर केल्याचंही नमूद केलं.
या डान्स व्हिडीओवर कलाकारांसह चाहत्यांकडूनही भरभरून प्रतिक्रिया येत आहेत. अभिनेत्री अमृता खानविलकरने “ओह लव्ह लव्ह” अशी कमेंट करत रिंकूचं कौतुक केलं आहे. तर अनेक नेटकऱ्यांनी रिंकूच्या नृत्यकलेचं आणि सौंदर्याचं मनमोकळेपणाने कौतुक केलं आहे.
हे पण वाचा.. ग्लॅमरच्या पलीकडे मातीशी नातं जपणारी अश्विनी महांगडे मामाच्या शेतातील फोटो चर्चेत
दरम्यान, Rinku Rajguru च्या कामाबद्दल सांगायचं झालं तर नुकतीच ती ‘आशा’ या चित्रपटात झळकली होती. लवकरच ती ‘पुन्हा एकदा साडे माडे तीन’ या मल्टीस्टारर सिनेमात महत्त्वाच्या भूमिकेत दिसणार आहे. अभिनय, नृत्य आणि मराठमोळ्या संस्कृतीचा सन्मान जपत Rinku Rajguru सतत नव्या रूपात प्रेक्षकांसमोर येत आहे, हेच तिच्या लोकप्रियतेचं खरे गमक ठरत आहे.
हे पण वाचा.. इजिप्तमधून श्रेया बुगडेचा ग्लॅमरस न्यू इयर सेलिब्रेशन, फोटो सोशल मीडियावर व्हायरल
