varsha usgaonkar nashibvan malika entry star pravah : मराठी सिने आणि दूरचित्रवाणी विश्वात Varsha Usgaonkar हे नाव आजही तितक्याच आदराने घेतलं जातं. ‘वंडरगर्ल’ आणि ‘ड्रीमगर्ल’ अशी ओळख असलेल्या वर्षा उसगांवकर यांनी आपल्या सहजसुंदर अभिनयातून अनेक पिढ्यांची मनं जिंकली आहेत. चित्रपट असो वा मालिका, प्रत्येक माध्यमात त्यांनी स्वतःचा ठसा उमटवला आहे. ‘हमाल दे धमाल’, ‘खट्याळ सून नाठाळ सासू’, ‘गंमत जंमत’ यांसारख्या गाजलेल्या चित्रपटांपासून ते लोकप्रिय मालिकांपर्यंत त्यांचा अभिनय प्रवास नेहमीच लक्षवेधी ठरला आहे.
विशेषतः ‘सुख म्हणजे नक्की काय असतं!’ या मालिकेतील नंदिनी शिर्केपाटील उर्फ ‘माई’ ही भूमिका प्रेक्षकांच्या मनात कायमची घर करून बसली. घराला एकत्र ठेवणारी, प्रत्येक संकटात कुटुंबासाठी खंबीरपणे उभी राहणारी माई प्रेक्षकांना आपलीशी वाटली. त्यामुळे ही मालिका संपल्यानंतर Varsha Usgaonkar यांना पुन्हा छोट्या पडद्यावर पाहण्याची उत्सुकता चाहत्यांमध्ये प्रचंड वाढली होती.
हीच उत्सुकता गेल्यावर्षी ‘बिग बॉस मराठी’च्या पाचव्या पर्वात पाहायला मिळाली. वयाने ज्येष्ठ असूनही Varsha Usgaonkar यांनी खेळात दाखवलेली स्पष्टवक्तेपणा, संयम आणि आत्मविश्वास प्रेक्षकांना भावला. त्या थेट अंतिम आठवड्यापर्यंत पोहोचल्या आणि पुन्हा एकदा आपल्या लोकप्रियतेची झलक दाखवून दिली.
आता Varsha Usgaonkar पुन्हा एकदा स्टार प्रवाहवरून प्रेक्षकांच्या भेटीला येत आहेत. त्या ‘नशीबवान’ या मालिकेत विशेष भूमिकेत प्रवेश करणार आहेत. विशेष बाब म्हणजे या मालिकेतही त्या ‘माई’च्या भूमिकेतच दिसणार आहेत. या भूमिकेतून त्या गिरिजाला अन्यायाविरोधात उभं राहण्यासाठी बळ देणार असून तिच्या आत्मविश्वासाला नवी दिशा देताना दिसतील. “तुझी रक्षणकर्ती तूच आहेस” असा सल्ला देणारी माई पुन्हा एकदा प्रेक्षकांना प्रेरणा देणार आहे.
हे पण वाचा.. Lakshmi Niwas : मृत समजलेला श्रीकांत जिवंत, मालिकेत मोठ वळण
‘नशीबवान’ मालिकेतील हा विशेष भाग ३० डिसेंबर रोजी रात्री ९ वाजता प्रसारित होणार आहे. प्रोमो समोर येताच सोशल मीडियावर Varsha Usgaonkar यांच्या कमबॅकचं भरभरून कौतुक होत आहे. अजय पूरकर, आदिनाथ कोठारे, नेहा नाईक यांसारख्या कलाकारांसोबत त्यांची ही एन्ट्री मालिकेला नवा रंग देणार यात शंका नाही. मराठी टीव्ही विश्वात पुन्हा एकदा ‘माई’चा आधार मिळणार, याचीच उत्सुकता सध्या प्रेक्षकांमध्ये पाहायला मिळते.
हे पण वाचा.. कोण होतीस तू, काय झालीस तू! फेम अभिनेत्री रेवती लेले लवकरच लग्नबंधनात
