Kranti Redkar twin daughters motherhood experience : मराठी चित्रपटसृष्टीत वेगळ्या भूमिका आणि दमदार अभिनयामुळे ओळख निर्माण केलेली अभिनेत्री Kranti Redkar पुन्हा एकदा चर्चेत आली आहे. मात्र यावेळी तिच्या एखाद्या चित्रपटामुळे नव्हे, तर तिच्या वैयक्तिक आयुष्यातील अत्यंत भावनिक अनुभवामुळे. जुळ्या मुलींची आई झाल्यानंतर प्रथमच तिने त्या क्षणांविषयी मनमोकळेपणाने भावना व्यक्त केल्या आहेत.
‘जत्रा’, ‘शिक्षणाच्या आयचा घो’, ‘खो खो’ यांसारख्या चित्रपटांतून प्रेक्षकांच्या मनात स्थान निर्माण करणाऱ्या Kranti Redkar चं लग्न समीर वानखेडेंशी झालं आहे. या दाम्पत्याला छबील आणि गोदो या जुळ्या मुली आहेत. सोशल मीडियावर क्रांती अनेकदा आपल्या मुलींसोबतचे गोंडस क्षण शेअर करत असते. मात्र, जुळी मुलं होणार असल्याचं पहिल्यांदा समजल्यावर तिच्या मनात नेमकं काय चाललं होतं, हे तिने आतापर्यंत कधीही उघड केलं नव्हतं.
एका मुलाखतीत Kranti Redkar ने सांगितलं की, पहिल्या सोनोग्राफीला जाताना तिच्या मनात फक्त एवढंच होतं की ती प्रेग्नंट आहे आणि सगळं व्यवस्थित असेल. डॉक्टर तपासणी करत असताना सर्व काही नॉर्मल असल्याचं सांगत होत्या. मात्र, जेव्हा डॉक्टरांनी ‘बेबी नंबर एक आणि बेबी नंबर दोन’ असं उल्लेख केलं, तेव्हा क्षणभर तिला काहीच कळेना. त्या शब्दांचा अर्थ लक्षात येताच तिने थेट डॉक्टरांना विचारलं की, “मला जुळी मुलं होणार आहेत का?” आणि डॉक्टरांनी अगदी शांतपणे होकार दिला.
तो क्षण आठवताना Kranti Redkar म्हणते की, डॉक्टर जरी शांत होत्या, तरी तिच्या पायाखालची जमीन अक्षरशः हलली होती. एकाच वेळी आनंद, भीती, उत्सुकता आणि जबाबदारी या सगळ्या भावना मनात एकत्र दाटून आल्या होत्या. पुढे आयुष्य पूर्णपणे बदलणार आहे, याची जाणीव तिला त्या एका क्षणात झाली.
वर्कफ्रंटबद्दल बोलायचं झालं तर सध्या Kranti Redkar कोणत्याही नव्या चित्रपटात दिसत नसली, तरी तिचं योगदान मराठी सिनेसृष्टीत महत्त्वाचं राहिलं आहे. अभिनयासोबतच तिने ‘कांकण’ या चित्रपटाचं दिग्दर्शनही केलं आहे. सध्या ती कुटुंब आणि मातृत्वाचा आनंद घेत असून सोशल मीडियावर सक्रिय आहे.
Kranti Redkar चा हा अनुभव अनेक मातांना आपलासा वाटणारा आहे. जुळी मुलं होणार असल्याची बातमी जितकी आनंददायी, तितकीच धक्कादायक असते, आणि तेच भावविश्व तिने अगदी साध्या शब्दांत प्रेक्षकांसमोर मांडलं आहे. त्यामुळे चाहत्यांमध्ये तिच्याविषयीचं प्रेम आणखी वाढताना दिसत आहे.
हे पण वाचा.. Imagicaa मधील कर्मचारी ते मराठी मालिकेचा हिरो – आयुष संजीवचा संघर्षमय प्रवास चर्चेत
