swapnil joshi leena marriage reality post viral : मराठी सिनेसृष्टीतील लोकप्रिय अभिनेता Swapnil Joshi ने बालकलाकार म्हणून आपल्या अभिनय कारकिर्दीची सुरुवात केली आणि पुढे मराठीसोबतच हिंदी मनोरंजनविश्वातही स्वतःचं वेगळं स्थान निर्माण केलं. अभिनयासोबतच त्याचं वैयक्तिक आयुष्यही कायम चर्चेत असतं. सोशल मीडियावर त्याचा मोठा चाहतावर्ग असून, चाहत्यांना त्याच्या आयुष्यातील प्रत्येक अपडेट जाणून घेण्याची उत्सुकता असते. नुकताच Swapnil Joshi आणि त्यांची पत्नी लीना जोशी यांच्या लग्नाचा वाढदिवस साजरा झाला आणि यानिमित्त लीनाने शेअर केलेली पोस्ट सध्या सोशल मीडियावर चांगलीच व्हायरल होत आहे.
लीनाने स्वप्नीलसोबतचे काही खास आणि हसरे फोटो शेअर करत लग्नाबद्दलचं तिचं स्पष्ट आणि प्रामाणिक मत मांडलं आहे. तिने लिहिलेल्या शब्दांत केवळ रोमँटिक भावना नाहीत, तर लग्नाच्या नात्यामागचं खरं वास्तव दिसून येतं. तिच्या मते, लग्न म्हणजे चित्रपटात दाखवतात तसं नेहमीच परफेक्ट आणि चमकदार क्षणांचं संकलन नसतं. त्यात रोजच्या आयुष्यातील जबाबदाऱ्या, ताणतणाव, आर्थिक गोष्टी, मुलांचं संगोपन, संवादातील अडथळे आणि कधी कधी थकवणारे दिवसही असतात. मात्र, या सगळ्या अडचणींच्या काळात कोणीतरी खंबीरपणे आपल्या सोबत उभं राहतं, हाच खरा लग्नाचा अर्थ असल्याचं तिनं सांगितलं.
पुढे तिने दिवसभराच्या थकव्यानंतर मिळणारी शांत मिठी, फक्त दोघांनाच समजणारे विनोद, रात्री उशिरापर्यंत चालणाऱ्या गप्पा आणि प्रत्येक वेळी पुन्हा एकमेकांचीच निवड करणं, यालाच लग्न म्हणावं, असं भावनिक शब्दांत मांडलं. कोणतंही नातं परिपूर्ण नसतं, पण कठीण काळातही एकत्र राहण्याचा आणि एकमेकांसोबत पुढे जाण्याचा निर्णय घेतला जातो, तेव्हाच खरं प्रेम आकार घेतं, असं लीनाच्या पोस्टमधून स्पष्ट होतं.
Swapnil Joshi यांना उद्देशून तिने लग्नाच्या वाढदिवसाच्या शुभेच्छा देताना त्यांच्या नात्यातील गमतीशीर ‘बॅलन्स’ही उलगडला. ती कोणत्याही प्लॅनमध्ये मजा आणते आणि स्वप्नील त्या मजेला शिस्तबद्ध रूप देतो, असं म्हणत तिने या नात्यालाच प्रेमाचं नाव दिलं. या पोस्टवर स्वप्नीलनेही हसत-हसत हिंदीत प्रतिक्रिया दिली असून, चाहत्यांनी कमेंट्स आणि लाईक्सचा पाऊस पाडला आहे.
हे पण वाचा.. रितेश देशमुख चा छत्रपती शिवाजी महाराजांच्या भूमिकेतील पहिला दमदार लूक समोर
दरम्यान, Swapnil Joshi यांच्या वैयक्तिक आयुष्याबद्दल बोलायचं झालं, तर त्यांनी आयुष्यात दोन लग्नं केली आहेत. पहिलं लग्न अपर्णा यांच्याशी झालं होतं, मात्र ते नातं फार काळ टिकू शकलं नाही. त्यानंतर त्यांच्या आयुष्यात लीना आराध्येचा प्रवेश झाला. दोघांनी २०११ मध्ये मराठमोळ्या पद्धतीनं लग्न केलं आणि आज ते मायरा व राघव या दोन मुलांसह आनंदी संसार करत आहेत. स्वप्नील आणि लीनामधील घट्ट बॉन्डिंग त्यांच्या सोशल मीडिया पोस्ट्समधून नेहमीच दिसून येतं आणि याच कारणामुळे चाहत्यांमध्ये ही जोडी विशेष लोकप्रिय ठरते.
हे पण वाचा.. सुनील बर्वे लवकरच आजोबा! लेकीच्या डोहाळे जेवणामुळे बर्वे कुटुंबात आनंदाचं वातावरण
