gayatri datar engagement instagram post : मराठी टेलिव्हिजन विश्वातील लोकप्रिय अभिनेत्री Gayatri Datar हिने चाहत्यांना सुखद धक्का देणारी बातमी दिली आहे. आपल्या अभिनयाने घराघरांत ओळख निर्माण करणाऱ्या गायत्रीने नुकताच साखरपुडा केला असून ही खास बातमी तिने स्वतः सोशल मीडियावर शेअर केली आहे. अचानक समोर आलेल्या या पोस्टमुळे तिच्या चाहत्यांमध्ये उत्सुकता आणि आनंदाचं वातावरण पाहायला मिळत आहे.
३१ वर्षीय Gayatri Datar हिने इन्स्टाग्रामवर दोन भावूक फोटो शेअर केले आहेत. पहिल्या फोटोत ती तिच्या होणाऱ्या पतीसोबत दिसते. दोघेही एकमेकांकडे पाहत असल्यामुळे त्या फोटोमध्ये त्याचा चेहरा स्पष्ट दिसत नाही, मात्र त्या क्षणातील भावना फारच बोलक्या आहेत. दुसऱ्या फोटोमध्ये गायत्रीने हाताचा क्लोज-अप शेअर केला असून तिच्या बोटातील सुंदर अंगठी साखरपुड्याची साक्ष देताना दिसते.
या फोटोंना गायत्रीने एक खास आणि मनाला भिडणारं कॅप्शन दिलं आहे. “माझ्या आयुष्यात हिरोची एंट्री झाली आहे! माझ्या आयुष्यातील सर्वात बेस्ट दिवसातील काही क्षण तुमच्यासोबत शेअर करताना खूप आनंद होत आहे. ११.१२.२०२५,” अशा शब्दांत तिने आपला आनंद व्यक्त केला आहे. #Engaged, #ISaidYes, #BrideToBe असे हॅशटॅग वापरल्यामुळे गायत्री लवकरच विवाहबंधनात अडकणार असल्याचे संकेत मिळत आहेत.
मिळालेल्या माहितीनुसार ११ डिसेंबर रोजी गायत्रीला तिच्या बॉयफ्रेंडने खास पद्धतीने प्रपोज केलं आणि त्यानंतर दोघांनी साखरपुडा उरकला. गायत्रीच्या पोस्टनंतर सोशल मीडियावर शुभेच्छांचा अक्षरशः पाऊस पडताना दिसत आहे. मिताली मयेकर, गिरिजा प्रभू, रेश्मा शिंदे, धनश्री काडगांवकर, अक्षय केळकर, आशुतोष गोखले, सावनी रविंद्र, सुपर्णा श्याम अशा अनेक कलाकारांनी कमेंट करत तिचं अभिनंदन केलं आहे. विशेष म्हणजे अभिनेता सुबोध भावे यांनी “भारी… अभिनंदन तुम्हा दोघांचंही” अशी प्रतिक्रिया देत पोस्ट अधिकच चर्चेत आणली.
लग्नाची तारीख अद्याप Gayatri Datar हिने जाहीर केलेली नसली, तरी चाहत्यांमध्ये त्याबाबत उत्सुकता आहे. कामाबद्दल बोलायचं झाल्यास गायत्रीने ‘तुला पाहते रे’ या गाजलेल्या मालिकेतून मोठी लोकप्रियता मिळवली. याशिवाय तिने ‘मराठी बिग बॉस ३’, ‘मेरे साई: श्रद्धा और सबुरी’, ‘डान्सिंग क्वीन’ आणि ‘अबीर गुलाल’ यांसारख्या कार्यक्रमांमधून आपली वेगळी ओळख निर्माण केली.
हे पण वाचा.. ठरलं का खरंच? ‘आई कुठे काय करते’ फेम गौरी कुलकर्णी च्या लग्नाच्या तारखेबाबत चर्चांना उधाण
आता वैयक्तिक आयुष्यातील या नव्या पर्वामुळे Gayatri Datar चाहत्यांच्या आणखी जवळ गेली असून तिच्या पुढील वाटचालीकडे सगळ्यांचं लक्ष लागलं आहे.
हे पण वाचा.. समर-स्वानंदीच्या नात्यात गोड वळण; ‘वीण दोघांतली ही तुटेना’ मालिकेचा नवा प्रोमो चर्चेत
