Lagnanantar Hoilach Prem big revelation 16 December : स्टार प्रवाहवरील लोकप्रिय मालिका ‘लग्नानंतर होईलच प्रेम’ (Lagnanantar Hoilach Prem) पुन्हा एकदा प्रेक्षकांसाठी मोठा ट्विस्ट घेऊन सज्ज झाली आहे. सुरुवातीपासूनच जीवा-नंदिनी आणि पार्थ-काव्या यांच्या अनपेक्षित लग्नांमुळे मालिकेची कथा प्रेक्षकांना उत्तम रित्या गुंतवून ठेवते आहे. मनाविरुद्ध झालेल्या या दोन लग्नांनी हळूहळू प्रेमाचा रंग धारण केला आणि आता या दोन्ही जोड्यांच्या नात्यातील भावनिक क्षण अधिकच रंगतदार बनले आहेत.
अलीकडेच प्रदर्शित झालेल्या प्रोमोमधून कथा एका महत्त्वपूर्ण टप्प्यावर पोहोचणार असल्याचे स्पष्ट झाले आहे. नंदिनीला जीवाबद्दलची आपुलकी आणि प्रेमाची भावना काही काळापासून जाणवत होती. आता ती त्याला थेट “आय लव्ह यू” म्हणण्याचा निर्णय घेताना दिसते आहे. प्रोमोमध्ये नंदिनी १६ डिसेंबरला ही कबुली देणार असल्याचे सांगते आणि त्या क्षणाची उत्सुकता मालिका पाहणाऱ्या प्रेक्षकांतही वाढते.
दुसरीकडे, काव्या आणि पार्थच्या नात्यातील एक महत्त्वाची गोष्ट अजूनही उघड झालेली नाही. पार्थच्या मनात काव्याविषयी जिव्हाळा आहे, पण काव्याच्या भूतकाळाबद्दल त्याला काहीच माहिती नाही, ही गोष्ट काव्याच्या मनात सतत खंत निर्माण करत असते. प्रोमोमध्ये काव्या १६ डिसेंबरलाच पार्थसमोर तिचा भूतकाळ उलगडण्याचा निर्णय घेते, असं दाखवलं आहे. तिच्या या सत्यउघडीनंतर त्यांच्या नात्याचा प्रवास कोणत्या दिशेने वळेल, याची उत्सुकता वाढली आहे.
रम्याचा भागही या खुलास्यात तितकाच महत्त्वाचा आहे. तिच्या हाती दिसलेलं मंगळसूत्र आणि “१६ डिसेंबरला देशमुख कुटुंबाला वेड लावणार” असे तिचे वक्तव्य, नवीन अडचणींचे संकेत देत आहेत. त्यामुळे या दिवशी मालिकेत तिहेरी धक्का प्रेक्षकांना मिळण्याची शक्यता अधिकच बळकट झाली आहे.
हे पण वाचा.. झी मराठीची नवी मालिका: सुमित विजय आणि वल्लरी विराज मुख्य भूमिकेत दिसणार, प्रोमोवर प्रेक्षकांचा तर्क थांबला!
आगामी १० दिवसांनी प्रसारित होणारा हा विशेष भाग Lagnanantar Hoilach Prem मालिकेच्या कथानकाला नवं वळण देणार आहे. नंदिनीचं प्रेम व्यक्त होणार का? काव्याचा भूतकाळ पार्थ स्वीकारणार का? रम्या नेमकं कोणतं संकट उभं करणार? या सर्व प्रश्नांची उत्तरं १६ डिसेंबरला मिळणार असून प्रेक्षकांची उत्सुकता शिगेला पोहोचली आहे.
ही रोमांचक वळणं मालिकेची लोकप्रियता आणखी वाढवतील, यात शंका नाही.
हे पण वाचा.. बाबा तुझ्यासाठी…‘ठरलं तर मग’ मालिकेचा हजारवा टप्पा! अमित भानुशालीच्या घरी खास सेलिब्रेशन
