Sohan Bandekar Pooja Birari Wedding photos viral : सोशल मीडियावर सध्या सोहन बांदेकर पूजा बिरारी लग्न हा विषय सर्वाधिक चर्चेत आहे. अभिनेता सोहम बांदेकर आणि अभिनेत्री पूजा बिरारी यांनी अखेर आपल्या नात्याला अधिकृत स्वरूप देत लग्नबंधनात अडकत आयुष्याच्या नव्या प्रवासाची सुरुवात केली आहे. अनेक दिवसांपासून त्यांच्या लग्नाबाबत उत्सुकता होती आणि आता त्यांच्या लग्नसोहळ्यातील पहिला फोटो समोर येताच चाहत्यांमध्ये आनंदाची लाट उसळली आहे.
लोणावळ्यातील आलिशान रिसॉर्टमध्ये दोघांच्या लग्नासाठी भव्य तयारी करण्यात आली होती. फुलांनी सजवलेला परिसर, नवदांपत्यासाठी खास बनवलेला ग्रँड एन्ट्री स्टेज आणि पाहुण्यांनी खचाखच भरलेली जागा—सगळ्यामुळे सोहळा एकदम चित्रपटातील दृश्याप्रमाणेच खुलून दिसत होता. आदेश आणि सुचित्रा बांदेकर यांनीही मुलाच्या या खास दिवसाचा मनसोक्त आनंद लुटला.
वधू पूजाचा लूक विशेष चर्चेचा विषय ठरला. तिने नेसलेली मोहक गुलाबी साडी आणि त्यावरची सुरेख पिवळी शाल संपूर्ण लूकला पारंपरिक आकर्षण देत होती. तर वर सोहमने तिच्या पेहरावाला साजेशी बेबी पिंक रंगाची डिझायनर कुर्ता–पायजमा जोडी घालून सर्वांचे लक्ष वेधून घेतले. मिस्टर अँड मिसेस बांदेकर यांच्या या हटके पेहरावाचे कौतुक सोशल मीडियावर सातत्याने सुरू आहे.
लग्नाला अनेक मराठी कलावंतांनी हजेरी लावून कार्यक्रमाची शोभा वाढवली. हळद समारंभात सुकन्या मोने, ऋजुता देशमुख, अभिजीत केळकर, सचित पाटील, सुमीत राघवन, दीपाली विचारे यांसारखे कलाकार विशेषत: उपस्थित होते. याच हळदीत पूजाने घेतलेला मजेशीर उखाणा चाहत्यांच्या लक्षात अजूनही ताजा आहे.
सोहमच्या कामाविषयी बोलायचं झालं तर तो ‘ठरलं तर मग’ आणि ‘घरोघरी मातीच्या चुली’ या मालिकांचा निर्माता म्हणून काम पाहतो आहे. तर पूजाने ‘स्वाभिमान’ मालिकेतल्या भूमिकेतून प्रेक्षकांची मनं जिंकली होती.
हे पण वाचा.. रुचिरा जाधव चा समुद्रकिनारी बोल्ड अंदाज; लोकप्रिय मालिकेतील अभिनेत्रीचा ग्लॅमरस लूक चर्चेत
लोणावळ्यात पार पडलेला हा राजेशाही लग्नसोहळा आता सोशल मीडियावर जोरदार व्हायरल होत असून सोहन बांदेकर पूजा बिरारी लग्न चे फोटो पाहण्यासाठी चाहत्यांमध्ये मोठी उत्सुकता आहे. नवदांपत्याच्या नव्या सुरुवातीसाठी शुभेच्छांचा वर्षावही सातत्याने होत आहे.
हे पण वाचा.. मुलाच्या संगीत सोहळ्यात आदेश बांदेकर आणि सुचित्रा बांदेकर यांचा भन्नाट डान्स
