vachan dile tu mala new serial star pravah : वचन दिले तू मला या नव्या मालिकेची घोषणा स्टार प्रवाह वाहिनीने नुकतीच करून प्रेक्षकांची उत्सुकता अधिकच वाढवली आहे. गेल्या काही दिवसांपासून नव्या कथा, नवी पात्रं आणि नवे प्रयोग पाहण्यास उत्सुक असलेल्या प्रेक्षकांसाठी ही मालिका एक वेगळा अनुभव देणार अशी पहिल्या प्रोमोवरून झलक मिळते. काही दिवसांपूर्वी ‘मी सावित्रीबाई जोतीराव फुले’ ही मालिका लॉन्च केल्यानंतर वाहिनीने आणखी एका नव्या कथानकाला हिरवा कंदील दाखवत मनोरंजनविश्वात चांगलीच चर्चा रंगवली आहे.
या मालिकेच्या कथेत ऊर्जाच्या व्यक्तिरेखेभोवती सारा प्रवास फिरताना दिसतो. न्यायासाठी धडपडणारी, आपलं म्हणणं ठामपणे मांडणारी आणि कुठल्याही संकटाला न घाबरणारी ऊर्जा प्रेक्षकांना नवी ओळख देईल. एका मुलीला न्याय मिळवून देण्यासाठी ती पोलीस स्टेशनपर्यंत पोहोचते; मात्र तिथे तिच्या तक्रारीला सुरुवातीला गांभीर्याने न घेतल्याने ऊर्जा संतापते आणि पोलीस अधिकाऱ्यांनाच थेट सवाल करते — “साहेब, ही जागी तुमची मुलगी असती तर?” तिच्या या सवालानंतर तक्रार नोंदवली जाते आणि पुढे कथा न्यायाच्या लढाईकडे झुकते.
या संघर्षात तिचा सामना एका वकिलाशी होतो, ज्याची व्यक्तिरेखा ज्येष्ठ आणि लोकप्रिय अभिनेते मिलिंद गवळी साकारत आहेत. ‘आई कुठे काय करते’ मालिकेत अनिरुद्ध देशमुखची भूमिका साकारल्यानंतर पुन्हा एकदा ते दमदार शैलीत प्रेक्षकांच्या भेटीला येत आहेत.
ऊर्जाची भूमिका साकारत आहे लोकप्रिय अभिनेत्री अनुष्का सरकटे. ‘कारभारी लयभारी’ आणि ‘३६ गुणी जोडी’ या मालिकांमधून चांगली छाप पाडल्यानंतर ती नव्या भूमिकेत प्रेक्षकांना भिडणार आहे. तिच्यासोबत मुख्य पुरुष भूमिकेत इंद्रनील कामत दिसणार असून ‘पिरतीचा वणवा उरी पेटला’मधील भूमिकेनंतर तो पुन्हा मालिकांच्या जगात कमबॅक करत आहे.
ही नवी मालिका Vachan Dile Tu Mala प्रेक्षकांच्या भेटीला १५ डिसेंबरपासून, दर सोमवार ते शुक्रवार रात्री ९:३० वाजता येणार आहे. प्रोमो प्रदर्शित होताच सोशल मीडियावर चाहत्यांनी कौतुकाचा वर्षाव केला असून कलाकारांची निवड, संवाद आणि कथानकाची झलक विशेष लक्षवेधी ठरली आहे.
हे पण वाचा.. स्वराज्यरक्षक संभाजी’ फेम आभा बोडस सायकॉलॉजीचं शिक्षण घेत असून, शूटिंगसोबत अभ्यासही करते
या मालिकेतून नात्यांमधील सत्य, संघर्ष आणि न तुटणारी आशा यांची नवी कथा प्रेक्षकांसमोर उलगडत जाईल अशी शक्यता असून, Vachan Dile Tu Mala ही मालिका प्रेक्षकांकडून उत्तम प्रतिसाद मिळवेल अशी अपेक्षा व्यक्त केली जात आहे.
हे पण वाचा..सूरज चव्हाण च्या घरी लग्नसोहळ्याची लगबग; हळद–मेहंदीचे विधी पार, व्हिडीओ झाली चर्चेत
