mukta barve thoughts on solitude interview : मराठी मनोरंजनविश्वात कायम आपल्या स्वतंत्र भूमिकांनी आणि दमदार अभिनयाने प्रेक्षकांची मनं जिंकणारी अभिनेत्री मुक्ता बर्वे (Mukta Barve) पुन्हा एकदा चर्चेत आली आहे. तिचा नुकताच प्रदर्शित झालेला ‘असंभव’ हा चित्रपट सध्या प्रेक्षकांच्या पसंतीस पडत असतानाच, त्यानिमित्त दिलेल्या एका मुलाखतीतील तिची मोकळी कबुली सोशल मीडियावर चर्चेचा विषय ठरली आहे. अभिनयात सातत्याने नवे प्रयोग करणारी Mukta Barve स्वतःच्या आयुष्याबद्दल किती स्पष्टवक्ती आहे, हे या मुलाखतीतून पुन्हा दिसून आलं.
या मुलाखतीत तिला समाजात अनेकदा दिसणाऱ्या एका प्रश्नावर प्रतिक्रिया विचारण्यात आली—करिअरमध्ये नाव कमावलेल्या, आर्थिकदृष्ट्या सक्षम असलेल्या महिलांकडे काही पुरुष कमीपणा ठेऊन बघतात का? यावर मुक्ता बर्वे ने अतिशय सहज उत्तर देत सांगितलं की तिला कधीच असा अनुभव आला नाही. ती हसत म्हणाली की, “माझं लग्नच झालेलं नाही, त्यामुळे अशा अडचणींचा प्रश्नच येत नाही.” रिलेशनशिपबद्दल बोलताना तिने सांगितले की तिच्या आयुष्यात कधीच यशामुळे कुणाचं मन दुखावलं गेलं नाही किंवा स्पर्धा निर्माण झाली नाही.
लग्नसंस्थेबाबत तिची भूमिका मात्र अगदी स्पष्ट होती. मुक्ता बर्वे च्या म्हणण्यानुसार, आजकाल अनेकांची जीवनशैली बदलली आहे. शिक्षण, करिअर, छंद आणि आयुष्याचे प्रयोग करताना प्रत्येकाचे प्राधान्यक्रम वेगळे झाले आहेत. काही काळ एक जण काम करतो, दुसरा आपल्या आवडी जोपासतो—हे सगळं नैसर्गिक आहे. म्हणून या गोष्टींना फारसा परंपरागत चौकटीतून पाहू नये, असा तिचा सुर होता.
एकटं राहण्याबाबत विचारलं असता मुक्ता बर्वे चं उत्तर आणखीच मनापासून होतं. “मला स्वतःची कंपनी खूप आवडते,” असं म्हणत तिने सांगितलं की तिला एकटेपणा कधीच नकारात्मक वाटत नाही. सतत लोकांच्या गर्दीत काम करताना, शूटिंगच्या धावपळीत स्वतःसाठी वेळ काढणं तिला जास्त आवडतं. कधीकधी तिला गाडीतील ड्रायव्हरही नकोसा वाटतो, इतकं तिला स्वतःसोबत वेळ घालवणं प्रिय आहे. घरी राहून वाचन, वेब सीरिज किंवा चित्रपट पाहणं—हेच तिचं रिलॅक्स होण्याचं साधन असल्याचं ती म्हणाली.
हे पण वाचा.. रिलेशन नाही… रिहर्सल जास्त! रोमँटिक सीनच्या शूटिंगमागचा खरा ‘कॅमेरा गेम’, गिरिजा ओकचा स्पष्ट खुलासा
अभिनेत्री मुक्ता बर्वे ने या मुलाखतीतून स्वतःचा प्रामाणिक आणि जमिनीवरचा विचार मांडला. करिअर, यश, नाती आणि एकटेपणा या सर्व गोष्टींना ती स्वतःच्या पद्धतीने स्वीकारते आणि आनंदाने जगते—यामुळेच कदाचित प्रेक्षकांमध्ये तिच्याविषयीचं आकर्षण आजही तितकंच कायम आहे.
हे पण वाचा.. चित्रपटाच्या सेटवर सुरू झालेला प्रवास; आशय कुलकर्णी आणि सानिया गोडबोलेची मनाला भावणारी प्रेमकहाणी
