local experience girija oak interview incident : लोकप्रिय मराठी अभिनेत्री गिरिजा ओक (Girija Oak) सध्या तिच्या नवीन वेब सीरिज थेरपी शेरपीमुळे चर्चेत आहे. या सीरिजच्या निमित्ताने तिने दिलेल्या अलीकडील मुलाखतीत तिच्या व्यक्तिमत्त्वातील साधेपणा, स्पष्टपणा आणि संवेदनशीलता प्रेक्षकांना पुन्हा एकदा भावली. मुलाखतीत गिरिजा ओक ने फक्त कामाविषयी नाही, तर आयुष्यातील काही नाजूक आणि महत्त्वाच्या अनुभवांबद्दलही प्रांजळपणे बोलली.
मुलाखतीदरम्यान तिने लोकल ट्रेनमध्ये घडलेला एक प्रसंग सांगत महिलांना भेडसावणाऱ्या सुरक्षिततेच्या प्रश्नाची जाणीव करून दिली. ती म्हणाली की गर्दीच्या लोकलमध्ये अनेकदा अनोळखी लोक धक्का देतात, स्पर्श करून पुढे निघून जातात, आणि वेळेवर समजूनही येत नाही की नेमके काय घडले. गिरिजा ओक ने आठवण काढत सांगितले की एका प्रवासादरम्यान एक अनोळखी तरुण तिच्या अगदी जवळ आला आणि कुठून येऊन उभा राहिला हे तिलाही कळले नाही. क्षणात त्याने तिच्या मानेपासून पाठीपर्यंत बोट फिरवले आणि लगेच गर्दीत गायब झाला. तोपर्यंत काय घडले आहे हे समजून घेण्यात तिला काही क्षण गेले, पण तोपर्यंत त्या व्यक्तीचा मागमूसही शिल्लक नव्हता.
या अनुभवानंतर तिने महिलांनी सतर्क राहण्याची गरज अधिक प्रकर्षाने अधोरेखित केली. गिरिजा ओक ने सांगितले की तिच्या बालपणातही तिला छेडछाडीचा अनुभव आला होता. शाळेत असताना एक मुलगा तिला वारंवार त्रास द्यायचा, आणि शेवटी तिने त्याला सुनावलं. त्या प्रसंगामुळे ती स्वतःसाठी उभी राहण्याची ताकद तिच्यात निर्माण झाली.
तिच्या आईकडून मिळालेली शिकवणही तिने विशेषत्वाने सांगितली. गर्दीत कोणी मुद्दाम धक्का दिला तर तिची आई तत्क्षणी मागे वळून त्या व्यक्तीला जाब विचारायची. घरातील महिलांच्या धाडसामुळे स्वतःमधील खंबीरपणा वाढला, असे गिरिजा ओक ने नमूद केले.
हे पण वाचा.. झटपट पटापट ट्रेंडवर ‘अरुण कदम’ यांचा धम्माल डान्स; लेकीसोबतचा घरगुती व्हिडीओ नेटकऱ्यांच्या पसंतीस
दरम्यान, थेरपी शेरपी या वेब सीरिजमध्ये नेहा धुपिया आणि गुलशन देवैश यांच्यासह गिरिजा ओक एका महत्त्वपूर्ण भूमिकेत दिसणार असून प्रेक्षकांमध्ये या सीरिजची उत्सुकता वाढली आहे. तिच्या अनुभवांनी आणि स्पष्टवक्तेपणाने पुन्हा एकदा तिच्या चाहत्यांच्या मनात तिच्याबद्दलचा आदर वाढवला आहे.
