shivani mundhekar viral dance video : अभिनेत्री शिवानी मुंढेकर (Shivani Mundhekar) सध्या सोशल मीडियावर अक्षरशः धुमाकूळ घालत आहे. स्टार प्रवाहवरील लोकप्रिय मालिका ‘मुरांबा’मध्ये ‘रमा’ची दमदार भूमिका साकारणाऱ्या शिवानीचा एक नवा डान्स व्हिडिओ चाहत्यांचे लक्ष वेधून घेत आहे. संजू राठोडच्या ट्रेंडिंग ‘सुंदरी… सुंदरी…’ या गाण्यावर तिने केलेल्या नृत्याची जोरदार चर्चा सुरु असून, काही तासांतच हा व्हिडिओ मोठ्या प्रमाणात व्हायरल झाला आहे.
‘मुरांबा’ मालिकेमुळे प्रेक्षकांच्या घराघरात पोहोचलेली शिवानी मुंढेकर आपली स्टायलिश अंदाजातील उपस्थिती सोशल मीडियावर कायमच जपते. मात्र यावेळी तिने सादर केलेला डान्स तिच्या नेहमीच्या शांत, संयमी ‘रमा’ प्रतिमेपेक्षा वेगळाच आहे. गाण्याच्या ठेक्यावर सहज आणि आत्मविश्वासाने दिलेल्या तिच्या स्टेप्स पाहून चाहत्यांनी कमेंट्सचा अक्षरशः पाऊस पाडला आहे. या व्हिडिओला मिळणारा प्रतिसाद पाहता शिवानीची लोकप्रियता दिवसेंदिवस वाढत असल्याचे स्पष्ट दिसत आहे.
संजू राठोडचे ‘सुंदरी… सुंदरी…’ हे गाणे तरुणांमध्ये आधीच गाजत आहे. आता शिवानीच्या या परफॉर्मन्समुळे गाण्यालाही नवा रंग चढला आहे. तिच्या चाहत्यांनी हा व्हिडिओ पुन्हा पुन्हा पाहत शेअर केल्याने तो विविध सोशल प्लॅटफॉर्मवर ट्रेंडमध्ये आला आहे. शिवानीने आपली खास शैली, भाव आणि डान्स मूव्हज यांचा परफेक्ट मिलाफ साधल्याचे प्रेक्षकांनी कौतुक केले आहे.
दरम्यान, ‘मुरांबा’ मालिकेची कथा देखील सध्या रंगतदार वळणावर आहे. मालिकेत रमा आणि अक्षय यांच्यात वाढणारी जवळीक प्रेक्षकांना उत्सुकतेत ठेवत आहे. आजी पार्वती आणि छोटेसे आरोही या दोघांना एकत्र आणण्यासाठी प्रयत्न करताना दिसत आहेत. दुसरीकडे साईच्या मनात निर्माण झालेला गैरसमज कथानकाला आणखी वेगळा ट्विस्ट देत आहे. या गुंतागुंतीच्या घडामोडींमध्ये रमा या पात्रामुळेच मालिका अधिक रंगतदार बनत असल्याचे चाहत्यांचे म्हणणे आहे.
हे पण वाचा.. तारिणी मालिकेत नवा कलाटणीचा क्षण; नशेतला केदार व्यक्त करणार मनातील भावना?
अभिनय, अभिनयाबाहेरील तिचा आत्मविश्वासपूर्ण अंदाज आणि सोशल मीडियावरील सातत्यपूर्ण सक्रियता यामुळे शिवानी मुंढेकर नेहमीच चर्चेत राहते. ‘सुंदरी… सुंदरी…’वरील तिचा हा व्हिडिओदेखील तिच्या लोकप्रियतेत भर घालणारा ठरला आहे, हे निश्चित.
हे पण वाचा.. लग्नानंतर होईलचं प्रेम फेम अभिनेत्रींचा रात्रीचा धमाल व्हिडीओ चर्चेत; कश्मिराने शेअर केला खास बॉण्डिंगचा खुलासा
