malegaon little girl incident abhidya bhave reaction : नाशिक जिल्ह्यातील मालेगाव तालुक्यात घडलेल्या साडेतीन वर्षांच्या चिमुकलीवरील अत्याचार आणि हत्येच्या भीषण घटनेने संपूर्ण महाराष्ट्रात संतापाची लाट उसळली आहे. डोंगराळे या गावात घडलेल्या या अमानुष प्रकाराने सामान्य नागरिकांपासून ते मनोरंजन क्षेत्रातील प्रसिद्ध व्यक्तींपर्यंत सर्वांना हादरवून सोडले. समाजमाध्यमांवर या प्रकरणाचा तीव्र निषेध होत असून आरोपीला कठोरात कठोर शिक्षा व्हावी, अशी मागणी प्रचंड जोर धरत आहे.
या धक्कादायक घटनेविषयी अनेक कलाकारांनी वेगवेगळ्या माध्यमांतून आवाज उठवला आहे. अभिनेत्री रुचिरा जाधव आणि सुरभी भावे यांनी व्हिडिओद्वारे आपला रोष व्यक्त केल्यानंतर आता अभिनेत्री अभिज्ञा भावे (Abhidya Bhave) हिनेही संतप्त प्रतिक्रिया नोंदवली आहे. तिच्या पोस्टने अनेकांच्या भावनांना शब्द मिळाले आहेत. “याची कल्पनादेखील करवत नाही… आपल्या मुलांना योग्य संस्कार द्या. आम्ही काय घालायचं, कसे वागायचं यावर उपदेश करण्याऐवजी समाजातील विकृतींवर नियंत्रण मिळवा. आणि हो… लक्षात ठेवा, हा नराधम मराठी होता!” अशा तिखट शब्दांत अभिज्ञा भावे हिने आपला संताप व्यक्त केला.
दरम्यान, या प्रकरणाची प्राथमिक माहिती समोर येताना कुटुंबीय अजूनही धक्क्यात आहेत. सकाळपासून अंगणात खेळत असलेली तीन वर्षांची मुलगी अचानक सापडेनाशी झाली. नातेवाईक व गावकऱ्यांनी शोधमोहीम सुरू केली तेव्हा ती गंभीर अवस्थेत आढळली. तातडीने तिला रुग्णालयात नेण्यात आले, मात्र डॉक्टर्सनी तिला मृत घोषित केले. वैद्यकीय तपासणीत तिच्यावर अत्याचार झाल्याचे निष्पन्न झाले असून पोलिसांनी आरोपीचा शोध तीव्र केला आहे.
या क्रूर घटनेने पुन्हा एकदा लहान मुलींच्या सुरक्षिततेचा प्रश्न ऐरणीवर आला आहे. समाजातील जागरूकता, पालकांनी दिलेले संस्कार, आणि कायद्याची कठोर अंमलबजावणी यांची गरज यानिमित्ताने अधोरेखित होते. अभिज्ञा भावे सारख्या कलाकारांनी या विषयावर स्पष्टपणे मत व्यक्त केल्याने समाजातील अस्वस्थता अधिक ठळकपणे समोर येत आहे.
हे पण वाचा.. झी मराठी चा महासंगम धमाकेदार! ‘कमळी’ आणि ‘तारिणी’च्या थरारक भागाला प्रेक्षकांचा जबरदस्त प्रतिसाद
मालेगावची चिमुकली आज नाही, पण तिच्या या हक्कहिन लढ्याने राज्याला हादरवून टाकले आहे. आरोपीला शिक्षा व्हावी आणि अशा घटना पुन्हा घडू नयेत, हीच सर्वांची एकमुखी मागणी आहे.
हे पण वाचा.. ग्लोव्ह्ज घालून जेवली श्रुती मराठे! गौरवचा व्हिडीओ पाहून नेटकरी खळखळून हसले
malegaon little girl incident abhidya bhave reaction
