lakshmi niwas vishwa janhvi love revelation Promo : झी मराठीवरील लोकप्रिय मालिका “लक्ष्मी निवास” सध्या प्रेक्षकांच्या मनावर राज्य करत आहे. या मालिकेच्या नव्या प्रोमोने चाहत्यांमध्ये एकच खळबळ उडवली आहे. मालिकेत आता एक असा टप्पा येणार आहे, जिथे जान्हवीला अखेर विश्वाचं तिच्यावरील खरं प्रेम समजणार आहे. “तू माझ्या प्रत्येक श्वासात होतीस…” असं विश्वा म्हणताना पाहून जान्हवीच्या डोळ्यांत अश्रू तरळतात, आणि मालिकेच्या पुढील भागाबद्दलची उत्कंठा अधिकच वाढते.
कथेप्रमाणे, जयंतच्या अत्याचाराला कंटाळून जान्हवी जयंतचं घर सोडते आणि दुःखाच्या भरात आत्महत्येचा प्रयत्न करते. मात्र, ती वाचते आणि आपली ओळख बदलून ‘तनुजा’ या नावाने नव्या ठिकाणी राहू लागते. योगायोगाने ती विश्वाच्या वडिलांचा जीव वाचवते, आणि ते तिला घरी आणतात. मात्र, त्या घराचा मुलगा म्हणजेच विश्वा हे तिला ठाऊक नसतं. दुसरीकडे, विश्वाला मात्र वाटतं की जानू कायमची त्याच्या आयुष्यातून निघून गेली आहे.
विश्वा आपल्या आठवणींनी त्रस्त झालेला असतो. जान्हवीने दिलेल्या वस्तू आणि तिचे फोटो पाहून तो तिला विसरण्याचा प्रयत्न करतो. अखेर, सर्व आठवणी जाळून टाकण्याचा निर्णय घेतो. तिच्या फोटोसमोर तो भावनिक होत म्हणतो, “तू माझी कधीच झाली नाहीस जानू… पण मी तुझ्याविना जगू कसं?” आणि हे दृश्य दरवाजाबाहेर उभी असलेली जान्हवी पाहते.
विश्वा तिच्यावर किती प्रेम करत होता हे समजल्यावर जान्हवीच्या भावना अनावर होतात. आता ती विश्वाला सामोरी जाणार का? सई आणि विश्वाचं ठरलेलं लग्न या कथानकात काय वळण आणणार? या सर्व प्रश्नांची उत्तरं “लक्ष्मी निवास” मालिकेच्या आगामी भागांमध्ये मिळतील.
हे पण वाचा.. ठरलं तर मग’ पुन्हा नंबर वन! ‘कमळी’ची पहिल्यांदाच टॉप-५ मध्ये एन्ट्री; पाहा आठवड्याचा नवा मराठी मलिका टीआरपी रिपोर्ट
हा विशेष भाग १५ नोव्हेंबर रोजी रात्री ८ ते ९ या वेळेत झी मराठीवर प्रसारित होणार आहे. प्रेक्षकांसाठी हा भाग नक्कीच भावनिक आणि उत्कंठावर्धक ठरणार आहे. “लक्ष्मी निवास” चाहत्यांसाठी हा प्रसंग मालिकेतील एक अविस्मरणीय क्षण ठरण्याची दाट शक्यता आहे.
हे पण वाचा.. अमित भानुशालीचा जुन्या बॉलीवूड गाण्यावर जबरदस्त डान्स; ‘ठरलं तर मग’च्या सेटवरचा व्हिडीओ व्हायरल!
