varanasi ayodhya disha pardeshi dev diwali photos : मराठी टीव्ही जगतातील लोकप्रिय अभिनेत्री दिशा परदेशी (Dissha Pardeshi) सध्या तिच्या खास प्रवासामुळे चर्चेत आली आहे. धर्म, अध्यात्म आणि परंपरेचं केंद्र असलेल्या वाराणसीच्या देवदिवाळीचा अद्भुत अनुभव तिनं घेतला असून, त्याचे मोहक फोटो सोशल मीडियावर शेअर करताच ते क्षणात व्हायरल झाले.
वाराणसी, म्हणजेच काशी नगरी, दरवर्षी हजारो दिव्यांच्या उजेडात झळकते. या दिव्य देवदिवाळीत गंगा नदीच्या काठावर सजलेली रोषणाई, आरतीचा गजर आणि प्रकाशात न्हालेली घाटांची सौंदर्ययात्रा पाहणाऱ्यांच्या मनात अविस्मरणीय ठसा उमटवते. या तेजोमय क्षणांचा आनंद दिशा परदेशी हिने प्रत्यक्ष अनुभवला. तिने शेअर केलेल्या फोटोंमध्ये गंगाकिनाऱ्याची झगमगाट आणि दिव्यांच्या प्रकाशात न्हालेली बोटिंगची क्षणचित्रं पाहायला मिळतात.
रात्रीच्या वेळी दिव्यांनी उजळलेली गंगा नदी आणि आकाशात झेपावणाऱ्या फटाक्यांच्या आतषबाजीने तयार झालेलं अप्रतिम दृश्य पाहून दिशा देखील भारावली होती. तिच्या फोटोंमधून ती ऊर्जा, तो आनंद आणि त्या पवित्र क्षणांचा आत्मीय भाव स्पष्ट जाणवतो. तिच्या चाहत्यांनीही या पोस्टवर लाईक्स आणि कमेंट्सचा वर्षाव केला आहे.
याच प्रवासादरम्यान दिशा परदेशी अयोध्येला गेली आणि प्रभू श्रीराम मंदिरात दर्शन घेतलं. तिथल्या शांत वातावरणात घेतलेलं तिचं हे दर्शन तिच्या अध्यात्मिकतेचं दर्शन घडवतं.
दिशाच्या करिअरबद्दल बोलायचं झालं, तर ती झी मराठीवरील ‘लाखात एक आमचा दादा’ या मालिकेत झळकली होती. अभिनयाच्या आधी ती मॉडेलिंग क्षेत्रात कार्यरत होती आणि आजही ती फॅशन जगतात ओळखली जाते. फेमिना आणि फिल्मफेअर सारख्या प्रतिष्ठित मासिकांसाठी तिनं काम केलं आहे.
हे पण वाचा.. भाजी-भाकरी, नारळपाणी आणि मेथीचा लाडू; ‘असं’ आहे अभिनेत्री रुचिरा जाधवचं फिटनेसचं रहस्य!
वाराणसी ते अयोध्येचा हा प्रवास केवळ पर्यटन नव्हे, तर आत्मिक समाधानाचा अनुभव असल्याचं दिशा परदेशी हिच्या चेहऱ्यावरून स्पष्ट जाणवतं. तिच्या या पोस्ट्समुळे चाहत्यांनी पुन्हा एकदा तिच्या साधेपणावर आणि सौंदर्यावर मोहित झाल्याचं दिसतं.
हे पण वाचा.. संकर्षण कऱ्हाडेची पुण्यात खास भेट; प्रशांत दामलेंच्या उत्तराने जिंकली साऱ्यांची मनं
