ashok saraf nivedita saraf together in ashok mama serial : मराठी मनोरंजनविश्वातला एक सुवर्णक्षण म्हणावा असा हा प्रसंग — अशोक सराफ आणि निवेदिता सराफ ही अविस्मरणीय जोडी आता पुन्हा एकदा एकत्र येत आहे. मोठ्या पडद्यावर या दोघांनी साकारलेल्या प्रेमळ आणि विनोदी भूमिकांनी प्रेक्षकांच्या मनात कायमच खास स्थान मिळवलं आहे. आता हाच जादुई संगम छोट्या पडद्यावर साकार होणार आहे ‘अशोक मा.मा.’ या नव्या मालिकेतून.
कलर्स मराठीवर प्रसारित होणाऱ्या या मालिकेत पहिल्यांदाच टेलिव्हिजनच्या इतिहासात अशोक सराफ आणि निवेदिता सराफ एकाच मालिकेत झळकणार आहेत. संध्याकाळी ८:३० वाजता प्रसारित होणाऱ्या या मालिकेत भावनांचा आणि विनोदाचा सुंदर मिलाफ पाहायला मिळणार आहे.
या मालिकेत ज्येष्ठ अभिनेत्री निवेदिता सराफ ‘निवेदिता’ ही भूमिका साकारत आहेत. त्यांच्या व्यक्तिरेखेत उत्साह, आत्मविश्वास आणि आधुनिक विचारांची झलक आहे. त्या स्वतःचा ‘संस्कार वर्ग’ चालवतात, परंतु तो पारंपरिक पद्धतीने नव्हे तर दया, आत्मविश्वास आणि सर्जनशीलतेच्या माध्यमातून मुलांपर्यंत जीवनमूल्यं पोहोचवतो. त्यांच्या वर्गात कथा, कला आणि हास्याच्या माध्यमातून शिक्षणाला एक नवीन दृष्टी मिळते.
याच वर्गात एक दिवस अशोक मा.मा. आपल्या नातवंडांना — इरा आणि इशानला — घेऊन येतात. मात्र त्यांना अपेक्षा असते एका शिस्तप्रिय आणि पारंपरिक शिक्षिकेची. पण समोर येते निवेदिता — मुक्त विचारांची, हटके पद्धतीने शिकवणारी शिक्षिका. दोघांच्या विचारांमध्ये आरंभी मतभेद दिसतात, पण पुढे याच मतभेदातून एक सुंदर नातं आकार घेतं, असं संकेत मालिकेतून दिलं जात आहे.
निवेदिता सराफ यांनी या संधीबद्दल सांगितलं, “प्रेक्षक नेहमी विचारतात आम्ही दोघं पुन्हा कधी एकत्र काम करणार. खरं सांगायचं तर मलाही ही खूप दिवसांची इच्छा होती. अशोक सराफ यांच्यासोबत काम करणं म्हणजे माझ्यासाठी आनंदाचा अनुभव आहे. त्यांच्याकडून नेहमी काहीतरी नवीन शिकायला मिळतं. बऱ्याच वर्षांनी एकत्र काम करण्याची ही संधी मिळाली आहे आणि छोट्या पडद्यावर आमची जोडी पहिल्यांदाच दिसणार आहे. मला खात्री आहे की प्रेक्षकांनाही ही जुळवाजुळव आवडेल.”
हे पण वाचा.. ते पाहून वडील फक्त रडत होते…” भाऊ कदम यांनी सांगितला हृदयस्पर्शी किस्सा, म्हणाले – आज ते असते तर…
मराठी प्रेक्षकांसाठी ही जोडी पुन्हा एकत्र पाहणं म्हणजे जणू जुन्या आठवणींना उजाळा देणं आहे. हसवणारी, भावूक करणारी आणि विचार करायला लावणारी ही कथा ‘अशोक मा.मा.’च्या माध्यमातून लवकरच घराघरात पोहोचणार आहे.
हे पण वाचा.. असा शाहरुख मीही पाहिला नाही!’ – भाऊ कदम यांच्या एका भूमिकेवर शाहरुख खानची भन्नाट प्रतिक्रिया
