meghan jadhav marriage date announced : मराठी मनोरंजनविश्वात लोकप्रियता मिळवलेला आणि ‘लक्ष्मी निवास’ मालिकेत जयंतची भूमिका साकारत प्रेक्षकांच्या मनात घर करणारा अभिनेता Meghan Jadhav लवकरच लग्नाच्या मंडपात पाऊल ठेवत आहे. काही दिवसांपूर्वीच सोशल मीडियावर आपल्या नात्याबद्दल हिंट देत मेघनने चाहत्यांमध्ये उत्सुकता निर्माण केली होती. आता त्याच्या लग्नाची तारीखही समोर आली असून संपूर्ण टीम आणि चाहत्यांकडून शुभेच्छांचा वर्षाव सुरू आहे.
मेघनचा हा जीवनातील खास क्षण तितकाच खास पद्धतीने उघड झाला. मालिकेतील अभिनेत्री दिव्या पुगावकर हिने दिलेल्या माहितीनुसार, मालिकेचं शूटिंग गोव्यात सुरु असताना एक मनोरंजक प्रसंग घडला. शूट संपल्यानंतर कलाकारांची टीम वेगवेगळ्या फ्लाइटने मुंबईकडे परतत होती. त्याच वेळी सकाळच्या फ्लाइटमध्ये दिव्या आणि Meghan Jadhav एकत्र प्रवास करत होते. प्रवासादरम्यान गप्पांच्या ओघात तिने मजेत मेघनला विचारलं, “अरे, तुमचं लग्न कधी आहे?” सुरुवातीला थोडी लाज, थोडं संकोच, पण शेवटी मेघननेच खुलासा केला की तो लवकरच सात फेरे घेणार आहे.
दिव्याने सांगितलं की, मेघनने तिला सांगितलं होतं — “अजून सगळ्यांना सांगितलं नाही, दिवाळीनंतर जाहीर करणार होतो, पण तुला सांगतो… १६ नोव्हेंबरला माझं लग्न आहे.” यानंतर दिव्या आणि टीममध्ये आनंदाचा माहोल निर्माण झाला. लग्नात कोणती साडी नेसणार, कशी धमाल करणार याबद्दल दिव्यानेही चांगलाच उत्साह व्यक्त केला.
‘रंग माझा वेगळा’ मालिकेच्या सेटवर मेघन आणि अनुष्का यांची ओळख झाली आणि ती मैत्रीतून प्रेमात बदलली. दोघांच्या घरात सध्या लग्नाची लगबग सुरू असून, चाहत्यांमध्येही या गोड जोडप्याच्या लग्नाबद्दल उत्कंठा आहे. मेघन-अनुष्काच्या केळवण कार्यक्रमाला संपूर्ण मालिकेची टीम उपस्थित होती आणि सोहळा अगदी कुटुंबासारखा साजरा करण्यात आला.
हे पण वाचा.. प्राजक्ता माळी ला ओंकारचं थेट प्रपोज! कॉमेडी की कन्फेशन? चाहत्यांमध्ये खळबळ
आता १६ नोव्हेंबर हा दिवस Meghan Jadhav च्या आयुष्यातला नवा अध्याय घेऊन येणार असून, त्याच्या चाहत्यांसाठी ही नक्कीच आनंदाची बातमी आहे. मनोरंजन जगतातील या खास लग्नाकडे सर्वांचं लक्ष लागलं आहे.
हे पण वाचा.. हिच्याकडे कोण बघणार?” अनुभवातून उठून उभी राहिलेली अश्विनी मुकादम; बारीक म्हणून अभिनेत्रीला सहन करावे लागले टोमणे
