divya pugaonkar trending reel janavi fans react : ‘लक्ष्मी निवास’ ही झी मराठीवरील लोकप्रिय मालिका सध्या प्रेक्षकांच्या चर्चेचा विषय ठरली आहे. मालिकेत सतत नवनवीन ट्विस्ट्स पाहायला मिळत असून, भावनाने सिद्धसमोर प्रेम व्यक्त केल्यानंतर कथानक अधिक रंगतदार झाले आहे. या मालिकेतील पात्रांमध्ये लक्ष्मी, श्रीनिवास, भावना, हरीश, मंगल आणि जान्हवी यांचं एकत्र नातं मालिकेचा गाभा मानला जातो.
अलीकडील भागात जान्हवीच्या आयुष्यात मोठं वादळ आलं. जयंतच्या सततच्या त्रासाला कंटाळून जान्हवी समुद्रात उडी मारते, असा धक्कादायक प्रसंग मालिकेत दाखवला गेला. त्यानंतर जान्हवीचा पत्ता लागला नाही, आणि त्यामुळे दळवी कुटुंबावर दुःखाचा डोंगर कोसळला. जयंतने लक्ष्मी आणि श्रीनिवासला सांगितलं की जान्हवी सर्वांना सोडून गेली आहे, तेव्हा लक्ष्मीचा संताप अनावर झाला आणि तिने जयंतच्या कानाखाली लगावल्याचं दृश्य प्रेक्षकांना पाहायला मिळालं.
याच दरम्यान, मालिकेत जान्हवीची भूमिका साकारणारी अभिनेत्री Divya Pugaonkar हिने सोशल मीडियावर एक खास व्हिडिओ शेअर केला आहे. या व्हिडिओत ती मालिकेतीलच जान्हवीच्या लूकमध्ये दिसते, आणि तिचा संपूर्ण अवतार पाण्यात भिजलेला आहे. पार्श्वभूमीला ‘आँखो की गुस्ताखियाँ’ हे गाणं असल्याने व्हिडिओ अधिक भावनिक वाटतो.
व्हिडिओ पोस्ट होताच चाहत्यांनी कमेंट्सचा वर्षाव केला. एका नेटकऱ्याने विनोदाने लिहिलं, “तू समुद्रात उडी मारल्यानंतर थेट इथे रील बनवायला आलीस का?” तर दुसऱ्याने विचारलं, “जानू, तू मालिकेत पुन्हा दिसणार आहेस का?” आणखी एका चाहत्याने गंमतीने लिहिलं, “अगं, समुद्रातून बाहेर येऊन थेट फोन हातात घेतलास दिसतं!”
काहींनी तर जान्हवीच्या कथानकावरही गंमत केली. “जयंतच्या त्रासातून सुटल्यावर आता स्वर्गातून रील शूट करतेय बहुतेक,” अशी टिप्पणी करत त्यांनी हसवले. “अरे जानू, परत ‘लक्ष्मी निवास’मध्ये ये लवकर,” “तू जिवंत आहेस, गाव फिरून उशिरा घरी येशील,” अशा अनेक प्रतिक्रिया चाहत्यांनी दिल्या आहेत.
दरम्यान, प्रेक्षकांमध्ये आता एकच प्रश्न आहे – Divya Pugaonkar उर्फ जान्हवी पुन्हा मालिकेत परत येणार का? तिच्या व्हिडिओमुळे उत्सुकता अधिक वाढली असून, पुढील भागात काय घडते हे पाहणं प्रेक्षकांसाठी रंजक ठरणार आहे.
हे पण वाचा.. निलेश साबळे पुन्हा प्रेक्षकांच्या भेटीला; ‘वहिनीसाहेब सुपरस्टार’ या नव्या शोमधून करणार धमाल!
