archana gautam oye churros new cafe open : मनोरंजन क्षेत्रातील अनेक कलाकार आता अभिनयाबरोबर उद्योगक्षेत्रातही पाऊल टाकत आहेत. त्यात आता बिग बॉस फेम लोकप्रिय अभिनेत्री अर्चना गौतमनेही आपल्या बिझनेस प्रवासाची सुरुवात केली आहे. दिवाळीच्या शुभमुहूर्तावर तिनं स्वतःचा कॅफे सुरु करून चाहत्यांसमोर नवीन टप्पा उघडला आहे.
अर्चना गौतमने सुरू केलेल्या कॅफेचे उद्घाटन ज्येष्ठ मराठी अभिनेत्री उषा नाडकर्णी यांच्या हस्ते पार पडले. अर्चनाने या खास प्रसंगाचे फोटो आपल्या सोशल मीडियावर शेअर केले आणि उषा नाडकर्णीचे मनःपूर्वक आभारही मानले. अर्चना म्हणते, “जे लोक आपले असतात, ते नेहमीच आपल्याशी मनानं जोडलेले राहतात. दिवाळीच्या शुभप्रसंगी Oye Churros कॅफेचे उद्घाटन उषा नाडकर्णी यांच्या हातून झालं, ही आमच्यासाठी खूप खास आणि आनंदाची गोष्ट आहे.”
अर्चना गौतमची चाहत्यांमध्ये मोठी फॅन फॉलोइंग आहे, त्यामुळे कॅफेच्या फोटोंवर सोशल मीडियावर तिचं कौतुक आणि शुभेच्छांचा मोठा ओघ पाहायला मिळाला. बिझनेसवूमन झालेली अर्चना सध्याच्या लोकप्रिय टीव्ही अभिनेत्रींपैकी एक मानली जाते. तिनं मॉडेलिंग करिअरपासून आपल्या अभिनय प्रवासाची सुरुवात केली होती. २०१५ मध्ये आलेल्या ‘ग्रेट ग्रँड मस्ती’ चित्रपटातील छोट्या भूमिकेने तिनं चित्रपटसृष्टीत पदार्पण केले आणि त्यानंतर ‘हसीना पारकर’, ‘बारात कंपनी’सारख्या चित्रपटांमध्ये काम केलं.
चित्रपटांबरोबरच अर्चना टीव्ही मालिकांमध्येही सक्रिय राहिली. ‘साथ निभाना साथिया’ आणि ‘ये है आशिकी’सारख्या मालिकांमध्ये तिनं आपली छाप सोडली. नंतर तिनं रिअॅलिटी शोकडे वळवून ‘बिग बॉस १६’मध्ये सहभाग घेतला आणि ‘खतरों के खिलाडी’ तसेच ‘सेलिब्रिटी मास्टरशेफ’मध्येही आपली उपस्थिती ठसवली.
हे पण वाचा.. ‘पुन्हा शिवाजीराजे भोसले’ चित्रपटात अभिनेता सिद्धार्थ जाधवचा खतरनाक अवतार!
या सर्व अनुभवांनंतर आता अर्चना गौतम व्यवसायक्षेत्रातही यशस्वी पाऊल टाकत आहे. तिचा Oye Churros कॅफे फक्त कॅफेच नाही, तर तिच्या मेहनतीचा आणि नवीन प्रवासाचा प्रतीक बनले आहे. चाहत्यांना या नव्या कॅफेमध्ये भेट देण्यासाठी आतुरता आहे आणि अर्चना गौतमची ही नवी सुरुवात निश्चितच अनेकांसाठी प्रेरणादायी ठरणार आहे.
हे पण वाचा.. “मला घरात पार्त्यांनी सुरुवात करायची नव्हती…” सई ताम्हणकरच्या खास निर्णयामागचं कारण ऐकून तुम्हीही व्हाल प्रभावित
archana gautam oye churros new cafe open
