premachi goshta 2 swapnil bhau kadam unique chemistry : दिवाळीच्या उत्साहात प्रेक्षकांसाठी एक खास सिनेमॅटिक मेजवानी घेऊन येतोय ‘Premachi Goshta 2’. मराठी चित्रपटसृष्टीतील लोकप्रिय अभिनेता स्वप्नील जोशी आणि विनोदाचा बादशहा भाऊ कदम यांची ही जोडी पहिल्यांदाच एका हटके कथानकात एकत्र झळकणार आहे. या दोघांची केमिस्ट्री आणि त्यांच्या अनोख्या भूमिका आधीच चर्चेचा विषय ठरल्या आहेत. प्रेक्षकांना त्यांच्या ऑनस्क्रीन ट्युनिंगचा अंदाज ट्रेलरमधूनच लागला असून, या जोडीमुळे चित्रपटाला एक वेगळी ऊर्जा मिळणार, हे नक्की.
‘Premachi Goshta 2’ ही केवळ एक रोमँटिक कथा नाही, तर त्यात जादू, नशिब आणि भावनिक प्रवासाची रंगतदार गुंफण आहे. दिग्दर्शक सतीश राजवाडे यांच्या नेहमीप्रमाणेच या चित्रपटातही भावनांना एक विशेष कलात्मक साज चढवला आहे. त्यांच्या रोमँटिक दिग्दर्शनाचा वेगळा अंदाज आणि कलाकारांच्या दमदार अभिनयामुळे चित्रपटाची उत्सुकता प्रेक्षकांमध्ये चांगलीच वाढली आहे.
या चित्रपटातील सर्वात मोठं आकर्षण म्हणजे स्वप्नील जोशी पुन्हा एकदा देवाच्या भूमिकेत झळकतोय. यापूर्वीही त्याने श्रीकृष्णाची भूमिका साकारून प्रेक्षकांची मने जिंकली होती. मात्र, यावेळी त्याचा लूक आणि सादरीकरण अधिक आधुनिक आणि रंगतदार असेल. त्याच्यासोबत भाऊ कदमही देवाची भूमिका साकारत असून, दोघांची एकत्रित ऑनस्क्रीन उपस्थिती प्रेक्षकांसाठी एक नवा अनुभव ठरणार आहे.
‘Premachi Goshta 2’ मध्ये केवळ दमदार कथा आणि कलाकारच नाही, तर नेत्रदीपक व्हीएफएक्स आणि रोमँसचा नव्या युगातील अंदाजही प्रेक्षकांना पाहायला मिळणार आहे. त्यातच गौतमी पाटील हिचं ठसकेबाज नृत्य सिनेमाचं आणखी एक आकर्षण ठरतंय. तिच्या खास परफॉर्मन्समुळे चित्रपटात एक वेगळी झळाळी येणार आहे.
चित्रपटात ललित प्रभाकर, ऋचा वैद्य, रिधिमा पंडित, स्वप्नील जोशी आणि भाऊ कदम या कलाकारांच्या भूमिका आहेत. निर्मितीची जबाबदारी एव्हरेस्ट एंटरटेनमेंटचे संजय छाब्रिया आणि अमित भानुशाली यांनी घेतली आहे. दिवाळीच्या शुभमुहूर्तावर, म्हणजेच २१ ऑक्टोबर रोजी हा चित्रपट प्रेक्षकांच्या भेटीला येणार आहे.
हे पण वाचा.. ‘सावळ्याची जणू सावली’ फेम प्राप्ती रेडकरची दिवाळी आठवण; म्हणाली – “पहाटे फटाके फोडण्यात होती खरी मजा”
रोमँस, नशिबाचा जादुई प्रवास, व्हिज्युअल ट्रीट आणि दमदार कलाकारांची उपस्थिती यामुळे ‘Premachi Goshta 2’ हा चित्रपट मराठी प्रेक्षकांसाठी एक अविस्मरणीय अनुभव ठरण्याची शक्यता आहे. दिवाळीतील हा रोमँटिक गिफ्ट प्रेक्षकांच्या हृदयात नक्कीच स्थान मिळवेल, अशी चित्रपटसृष्टीत चर्चा रंगली आहे.
हे पण वाचा.. ‘महाराष्ट्राची हास्यजत्रा’ फेम प्रसाद खांडेकरने पूर्ण केलं स्वप्न, घरात आली नवी ‘टाटा सफारी’ Prasad Khandekar Car
