parth samthaan emotional instagram post : लोकप्रिय आणि हँडसम अभिनेता पार्थ समथान पुन्हा एकदा चर्चेत आला आहे, मात्र यावेळी कारण वेगळं आहे. काही महिन्यांपासून सोशल मीडियावर शांत असलेला पार्थ नुकताच एका भावनिक पोस्टमुळे चर्चेत आला. त्याने इन्स्टाग्राम स्टोरीवर लिहिलेल्या काही ओळींनी चाहत्यांच्या मनात काळजी निर्माण केली आहे. “मी काही महिन्यांपासून इन्स्टाग्रामवर सक्रीय नाही. हो… आयुष्यात असा एक काळ येतो, जेव्हा मन खचतं, काहीही करावसं वाटत नाही… पण हा शेवट नाही. नाव लक्षात ठेवा,” अशी त्याची ही पोस्ट चाहत्यांनी मोठ्या प्रमाणावर शेअर केली आहे.
पार्थ समथानने २५ सप्टेंबर रोजी शेवटची इन्स्टाग्राम पोस्ट केली होती. त्यानंतर त्याची सोशल मीडियावर कोणतीही हालचाल नव्हती. अचानक अशी पोस्ट पाहून चाहत्यांमध्ये चर्चेला उधाण आलं आहे. “त्याला नेमकं काय झालंय?” असा प्रश्न अनेक चाहत्यांनी विचारला आहे. त्याचबरोबर, “तू यातून नक्की बाहेर पडशील,” “आम्ही तुझ्यासोबत आहोत,” “आम्हाला पुन्हा तुझा हसरा चेहरा पाहायचा आहे,” अशा हजारो कमेंट्स चाहत्यांनी केल्या आहेत.
पार्थ समथानने गेल्या काही वर्षांत टीव्ही विश्वात आपली वेगळी ओळख निर्माण केली आहे. २०१२ साली त्याने अभिनय क्षेत्रात पाऊल ठेवले. ‘ये है आशिकी’, ‘कैसी ये यारियां’, ‘प्यार तूने क्या किया’ आणि ‘कसौटी जिंदगी की’ या मालिकांमुळे त्याला घराघरात प्रसिद्धी मिळाली. विशेष म्हणजे, ‘कसौटी जिंदगी की २’ मालिकेमध्ये त्याने साकारलेली भूमिका चाहत्यांना प्रचंड भावली होती.
काही दिवसांपूर्वी पार्थ समथान ‘सीआयडी २’ मध्ये दिसला होता. एसीपी प्रद्युम्न यांची भूमिका साकारण्याची जबाबदारी त्याच्यावर आली होती. मात्र मालिकेच्या काही एपिसोड्सनंतरच त्याचा प्रवास संपला. त्यावेळी सोशल मीडियावर त्याला बऱ्याच ट्रोलिंगलाही सामोरं जावं लागलं होतं. तरीही पार्थने या सगळ्यावर संयम ठेवला आणि स्वतःवर लक्ष केंद्रित केलं.
टीव्ही मालिकांव्यतिरिक्त पार्थने बॉलिवूडमध्येही आपलं नशीब आजमावलं. घुडचढी या चित्रपटातून त्याने रवीना टंडन सोबत काम करत मोठ्या पडद्यावर पदार्पण केलं. त्याचा हा प्रवास सोपा नव्हता, पण मेहनत आणि चाहत्यांच्या प्रेमामुळे त्याने एक वेगळी ओळख निर्माण केली.
सध्या पार्थ समथान कठीण काळातून जात असल्याचं त्याच्या शब्दांतून स्पष्ट दिसतंय. मात्र चाहत्यांना खात्री आहे की तो लवकरच यातून सावरून पुन्हा स्क्रीनवर परत येईल. त्याच्या पुनरागमनाची चाहत्यांमध्ये आतापासूनच उत्सुकता आहे.
हे पण वाचा.. मानसी नाईक एक्स पती प्रदीप खरेराचा व्हिडीओ चर्चेत; नेटकरी म्हणाले “हा माणूस…”
मनोरंजन क्षेत्रातील चाहत्यांमध्ये पार्थचं प्रचंड फॅन फॉलोइंग आहे. त्यामुळे त्याच्या प्रत्येक पोस्टकडे सर्वांचे लक्ष असते. आता त्याच्या या भावनिक पोस्टनंतर पुन्हा एकदा त्याच्याभोवती चर्चेचं वादळ उठलं आहे. मात्र एक गोष्ट नक्की – पार्थ समथानसारखा लढवय्या कलाकार पुन्हा जोमाने उभा राहील, अशी सर्वांची आशा आहे.
हे पण वाचा.. “Bigg Boss 19” च्या घरात निर्माण झाली तणावपूर्ण परिस्थिती; स्पर्धकांच्या निष्काळजीपणावर बिग बॉस भडकले
parth samthaan emotional instagram post
