ashok mama bhairavi navya sapnancha sangharsh : मराठी प्रेक्षकांची मने जिंकणाऱ्या अशोक मा.मा. या मालिकेने अलीकडेच ३०० भागांचा टप्पा गाठला आहे. या प्रवासात मालिकेने कुटुंब, नाती, भावनिक वळणं आणि आशावादी कथानकामुळे प्रेक्षकांची मनं जिंकली आहेत. आता कथा अशा टप्प्यावर आली आहे की जिथे भैरवीच्या आयुष्यात नवं पान उलगडताना दिसत आहे आणि या नव्या प्रवासात तिचा खंबीर आधार ठरणार आहे अशोक मामा.
स्पर्धेत दहा लाखाचं बक्षीस जिंकल्यानंतर भैरवीच्या घरी आनंदाचं वातावरण पसरलेलं असतं. कुटुंबीय तिच्यासाठी खास सरप्राईज पार्टी आयोजित करतात. सगळीकडे हशा, उत्साह आणि अभिमानाचं वातावरण आहे. पण या आनंदी क्षणी एक अनपेक्षित वळण येतं — भैरवीने मिळालेलं बक्षीस अनिशचं कर्ज फेडण्यासाठी वापरलं असल्याचं समोर येतं. ही गोष्ट कळताच अनिशचा रोष भडकतो, त्याच्या शब्दांमध्ये राग आणि तिरस्कार जाणवतो. कुटुंबातील वातावरण तणावपूर्ण होतं, पण भैरवी मात्र आपली शांतता आणि आत्मविश्वास गमवत नाही.
या संकटाच्या काळात भैरवीसाठी पुढे येतात Ashok Mama. ते तिच्या सोबत खंबीरपणे उभे राहतात आणि तिचा आत्मविश्वास पुन्हा जागवतात. याच काळात भैरवीला सुखटणकर फूड्सकडून मोठी केकची ऑर्डर मिळते आणि तिच्या आयुष्यात नव्या सुरुवातीची चाहूल लागते. पण नियतीचा खेळ तिला पुन्हा एक गोंधळात टाकतो — केकऐवजी मोदक पोहोचतात. जे सुरुवातीला अडचण वाटतं, तेच तिच्या यशाचं कारण ठरतं.
सुखटणकर फूड्स
मोदकांचा स्वाद घेताच राजन सुखटणकर एवढे प्रभावित होतात की ते ३० आउटलेट्ससाठी ऑर्डर देतात. भैरवीच्या आयुष्यात ही एक सुवर्णसंधी ठरते, पण याचसोबत मोठं आव्हानही उभं राहतं. तिच्या आयुष्यातील संघर्ष आता नव्या पातळीवर जाणार आहे. अनिशच्या नकारात्मक दृष्टिकोनामुळे कुटुंबातील वातावरण तणावग्रस्त असलं तरी अशोक मामा तिच्या सोबत ठामपणे उभे आहेत.
या संधीसह भैरवी नवा निर्धार करते — स्वतःच्या पायांवर उभी राहण्याचा आणि आपल्या स्वप्नांना नवी दिशा देण्याचा. तिच्या संघर्षातला हा टप्पा केवळ भावनिक नाही तर प्रेरणादायीही आहे. मालिकेच्या आगामी भागांमध्ये भैरवी हे आव्हान कसं पेलते, तिचा संघर्ष आणि तिच्यामागे अशोक मामा यांचा पाठिंबा कसा ठरतो, हे पाहणं प्रेक्षकांसाठी रोमांचक ठरणार आहे.
हे पण वाचा.. Bigg Boss 19 : मालतीच्या टोमण्यांनी तान्याचा संयम सुटला; रडत रडत सोडला टास्क
अशोक मामा या मालिकेचा हा नवा टर्न भावनांनी भरलेला आहे. नाती, स्वप्नं आणि संघर्ष यांची गुंफण प्रेक्षकांना आपल्या आयुष्याशी जोडून ठेवते. त्यामुळे पुढील भागांकडे प्रेक्षकांचे लक्ष लागून राहणार आहे, हे निश्चित.
हे पण वाचा.. “माझ्या सासुबाईंच्या हातचा स्टॉबेरीखंड अप्रतिम!” – शिवानी सोनारने व्यक्त केल्या भावना
