yogita chavan dance video kala chashma marathi actress : मराठी मनोरंजन क्षेत्रातील लोकप्रिय अभिनेत्री योगिता चव्हाण पुन्हा एकदा चर्चेत आली आहे, आणि यावेळी कारण आहे तिचा जबरदस्त डान्स व्हिडीओ. कतरिना कैफच्या प्रसिद्ध बॉलीवूड गाण्यावर केलेल्या तिच्या डान्सने सोशल मीडियावर अक्षरशः धुमाकूळ घातला आहे.
‘जीव माझा गुंतला’ या कलर्स मराठीवरील मालिकेतून योगिता चव्हाण घराघरात पोहोचली. मालिकेत ‘अंतरा’ची भूमिका साकारत तिने प्रेक्षकांचं मन जिंकलं होतं. त्या यशानंतर योगिता ‘बिग बॉस मराठी ५’ मध्ये सहभागी झाली, जिथे तिचा साधेपणा आणि प्रामाणिक स्वभाव प्रेक्षकांना खूप भावला. सध्या अभिनेत्री सोशल मीडियाच्या माध्यमातून चाहत्यांशी सातत्याने जोडलेली असते आणि तिचे व्हिडीओ नेहमीच व्हायरल होत असतात.
अलीकडेच योगिता चव्हाण हिने ‘तेनु काला चश्मा जचदा ऐ…’ या २०१६ साली प्रदर्शित झालेल्या ‘बार बार देखो’ चित्रपटातील सुपरहिट गाण्यावर डान्स करतानाचा व्हिडीओ शेअर केला. कतरिना कैफ आणि सिद्धार्थ मल्होत्रा यांच्यावर चित्रीत झालेलं हे गाणं त्या काळात प्रचंड गाजलं होतं. नेहा कक्कर, बादशहा आणि अमर अर्शी यांच्या आवाजातील या गाण्याची लोकप्रियता आजही कायम आहे.
योगिताच्या या डान्स व्हिडीओवर नेटकऱ्यांनी कमेंट्सचा अक्षरशः वर्षाव केला आहे. “सुपर डान्स मूव्ह्स”, “तू तर प्रोफेशनल डान्सरच वाटतेस!”, “कडक डान्स”, “सुपर से उपर” अशा प्रतिक्रिया तिच्या फॅन्सनी दिल्या आहेत. अभिनेत्री अक्षया नाईक आणि अंकिता वालावलकर यांनीसुद्धा या व्हिडीओखाली खास कमेंट्स करत योगिताच्या परफॉर्मन्सचं कौतुक केलं आहे.
डान्स व्हिडीओतील तिच्या चेहऱ्यावरील एक्स्प्रेशन्स, आत्मविश्वास आणि ऊर्जा पाहून प्रेक्षकांना आश्चर्याचा धक्का बसला आहे. काहींनी तर “योगिता, तू फक्त अभिनेत्री नाही तर डान्सरही आहेस!” असं म्हणत तिच्या टॅलेंटचं कौतुक केलं आहे.
वर्कफ्रंटबद्दल बोलायचं झालं तर, यंदाच्या गणेशोत्सवात प्रदर्शित झालेल्या ‘शंकराचा बाळ आला’ या म्युझिक व्हिडीओमध्ये योगिता चव्हाण अभिजीत केळकरसोबत दिसली होती. या गाण्याला गायिका वैशाली माडेचा आवाज लाभला होता.
सध्या योगिता सोशल मीडियावर सातत्याने सक्रिय असून तिचे डान्स आणि स्टायलिश फोटो पाहून चाहत्यांचा उत्साह अधिकच वाढला आहे. तिचा ‘काला चश्मा’वरील हा जबरदस्त डान्स नेटिझन्सच्या चर्चेचा विषय ठरला आहे आणि त्यामुळे पुन्हा एकदा योगिता चव्हाण चर्चेच्या केंद्रस्थानी आली आहे.
हे पण वाचा.. अभिनेत्री एतशा संझगिरीचा अभिनेता निषाद भोईर यांचा झाला साखरपुडा Nishad Bhoir Aetashaa Sansgiri Engagement
