prasad oak laxmikant barde aathavan : मराठी चित्रपटसृष्टीत एक वेगळं स्थान मिळवणारा अभिनेता-दिग्दर्शक प्रसाद ओक नेहमीच आपल्या मनमोकळ्या बोलण्यामुळे चर्चेत असतो. अलीकडेच दिलेल्या एका मुलाखतीत त्याने प्रेक्षकांच्या मनात घर करणारे दिवंगत अभिनेते लक्ष्मीकांत बेर्डे यांच्याबद्दलची एक खास आठवण सांगितली. त्यांच्या अभिनयाबद्दल आणि व्यक्तिमत्त्वाबद्दल बोलताना प्रसाद ओक थोडासा भावुकही झाला.
प्रसाद लवकरच आपल्या १००व्या चित्रपट ‘वडापाव’ मधून प्रेक्षकांच्या भेटीला येत आहे. या चित्रपटात त्याच्यासोबत गौरी नलावडे, रितिका श्रोत्री आणि लक्ष्मीकांत बेर्डे यांचा मुलगा अभिनय बेर्डे हे कलाकारही झळकणार आहेत. या निमित्ताने दिलेल्या मुलाखतीत प्रसादने लक्ष्मीकांत बेर्डेबरोबरच्या कामाच्या अनुभवाची आठवण सांगितली.
प्रसाद म्हणाला, “लक्ष्मीकांत बेर्डे यांच्याबरोबर काम करण्याची माझी फार मोठी इच्छा होती. एकदा मी एका नाटकाच्या तालमी करत होतो आणि त्यावेळी बेर्डे सरही त्यात पाहुणे कलाकार म्हणून सहभागी होणार होते. जवळपास १५ ते २० दिवस आम्ही एकत्र सराव केला. त्या काळात त्यांचं कामाबद्दलचं एकाग्रता आणि शिस्त पाहून मी भारावून गेलो. पण दुर्दैवाने त्याच काळात त्यांची प्रकृती खालावली आणि ते त्या नाटकाचा भाग होऊ शकले नाहीत. त्यामुळे सिनेमात किंवा नाटकात त्यांच्यासोबत काम करण्याचं स्वप्न अपूर्णच राहिलं.”
यानंतर प्रसाद ओकने त्यांच्या मुलगा अभिनय बेर्डे बद्दल विशेष कौतुक केलं. तो म्हणाला, “ज्यांच्यासोबत काम करण्याचं स्वप्न अपूर्ण राहिलं, त्यांच्या मुलासोबत आता मी स्क्रीन शेअर करत आहे. अभिनयमध्ये त्याच्या वडिलांचा शिस्तप्रिय आणि मेहनती स्वभाव तसाच दिसतो. तो खूप लाघवी, प्रेमळ आणि सगळ्यांशी मनाने जोडणारा आहे. त्याच्यात लक्ष्मीकांत सरांची झलक दिसते.”
प्रसाद पुढे म्हणाला, “लक्ष्मीकांत बेर्डे यांनी मराठी सिनेसृष्टीला अनेक गाजलेले हिट चित्रपट दिले. त्यांच्या अभिनयाची गोडी आजही प्रेक्षक विसरलेले नाहीत. अभिनय बेर्डे आता त्याच परंपरेचा पुढे नेतो आहे, आणि त्याच्याकडूनही अनेक सुंदर चित्रपटांची सुरुवात झाली आहे.”
हे पण वाचा.. श्रेयस तळपदे ने दिली गुड न्यूज! प्रार्थना बेहेरेसोबत पुन्हा पडद्यावर करणार एन्ट्री
प्रसाद ओकच्या या आठवणीने पुन्हा एकदा मराठी प्रेक्षकांच्या मनात लक्ष्मीकांत बेर्डे यांचं स्थान उजळून निघालं आहे. अभिनयाच्या पुढच्या पिढीतून बेर्डेंचा वारसा सुरू असल्याचं पाहून अनेक चाहत्यांनी समाधान व्यक्त केलं आहे.
हे पण वाचा.. मराठी इंडस्ट्रीतला आदर आणि संस्कृती मनाला भावली – निकिता दत्ता
