meera joshi mumbait navin ghar : “मुंबईत स्वतःचं घर असावं” हे स्वप्न अनेकांचं असतं, मात्र वाढत्या घरांच्या किंमतींमुळे ते प्रत्यक्षात आणणं कठीण ठरतं. पण मराठी अभिनेत्री Meera Joshi हिनं गेली पंधरा वर्षं उराशी बाळगलेलं हे स्वप्न अखेर पूर्ण केलं आहे. दसऱ्याच्या शुभमुहुर्तावर तिनं मुंबईतल्या स्वतःच्या घरात गृहप्रवेश केला असून, हा क्षण तिनं सोशल मीडियावर चाहत्यांसोबत शेअर केला.
Meera Joshi हिनं घेतलेलं घर १३व्या मजल्यावर आहे. तिनं खास करून सांगितलं की १३ हा अंक तिच्या आयुष्यात विशेष महत्त्वाचा आहे. तिचा जन्मदिवस १३ तारखेला असून, फ्लॅटचा क्रमांकही १३च आहे. “हा काही साधा योगायोग नाही, तर जणू काही विश्वानं मला इथे आणण्यासाठी सगळं नियोजन केलं,” असं ती आनंदानं म्हणाली.
या प्रवासात आलेल्या संघर्षाबद्दल बोलताना मीरानं सांगितलं की, अनेक वर्षे ती भाड्याच्या घरात राहिली. “भाड्याच्या घरात चांगले दिवस गेले, घरमालकांनी कधी अडचण निर्माण केली नाही. पण स्वतःच्या नावावरचं घर असावं, ही इच्छा मात्र सतत मनात होती,” असं ती म्हणाली.
अभिनेत्रीचा स्वभाव काटकसरी असल्याने तिनं पंधरा वर्षांत थोडंफार सेव्हिंग केलं. मोठा भाऊ सलील जोशीच्या योग्य मार्गदर्शनामुळे ती रक्कम नीट साठवली गेली. मात्र घर खरेदीसाठी ते पुरेसं नव्हतं. पालकांची आर्थिक मदत घेणं तिनं नम्रपणे नाकारलं. पण खरी अडचण आली ती बँकेकडून लोन मिळवण्यात. “आमच्या क्षेत्रातील लोकांचा ठोस पगार नसतो, त्यामुळे बँका सहज लोन देत नाहीत,” असं ती सांगते. अखेर तिच्या वडिलांनी नावावर घेतलेल्या संयुक्त कर्जामुळे हे स्वप्न प्रत्यक्षात आलं.
या वर्षी Meera Joshi साठी अनेक नवी सुरुवात घेऊन आलं आहे. तिनं स्वतःचं ‘कृष्णसखी’ प्रॉडक्शन हाऊस सुरु केलं आणि त्याच वेळी घराचं स्वप्नही पूर्ण झालं. “हे वर्ष माझ्यासाठी धाडसाचं आणि आव्हानात्मक होतं. पण त्याचबरोबर स्वप्नांना योग्य दिशा देणारं वर्षही ठरलं,” असं ती म्हणाली.
हे पण वाचा.. ५० वर्षांचा विश्वास! अशोक सराफ यांच्या बोटातील ‘ती’ अंगठी आजही आहे खास
आई, वडील, भाऊ, जवळचे मित्र आणि आपुलकीनं साथ देणारे प्रेक्षक यांच्याबद्दल मीरा मनापासून कृतज्ञ आहे. “माझ्या आईने सदैव माझ्यावर विश्वास ठेवला आणि मला योग्य मूल्यं दिली. तिच्यामुळेच रत्नागिरीतली एक मुलगी आज मुंबईत मोठी स्वप्नं पाहू शकली,” असं सांगून तिनं भावनिक आठवणी शेअर केल्या.
शेवटी देवाचे आभार मानत Meera Joshi म्हणाली, “प्रत्येक संघर्षात तो माझ्यासोबत आहे, याची खात्री आहे. म्हणूनच आज माझं स्वतःचं घर या शहरात उभं आहे.”
हे पण वाचा.. उर्मिला कोठारेनं येरवडा कारागृहातील महिला कैद्यांसोबत साजरा केला नवरात्र उत्सव, शेअर केले खास फोटो
