mayuresh pem dubai bharat pakistan samna : मराठी रंगभूमी आणि चित्रपटसृष्टीतील लोकप्रिय अभिनेता Mayuresh Pem नुकताच एका खास कारणामुळे चर्चेत आला आहे. अभिनयातून रसिकांच्या मनात स्थान मिळवणाऱ्या या अभिनेत्याने आपल्या वडिलांचं ४० वर्षांपासून अपूर्ण असलेलं स्वप्न पूर्ण करत एक भावनिक क्षण शेअर केला आहे.
अलीकडेच दुबईत झालेल्या आशिया कप २०२५ मधील भारत-पाकिस्तान क्रिकेट सामन्याला Mayuresh Pem आपल्या वडिलांसोबत आणि भावासोबत उपस्थित होता. त्याचे वडील देवेंद्र पेम यांना लहानपणापासून थेट स्टेडियममध्ये बसून भारत आणि पाकिस्तान यांच्यातील रोमांचक सामना पाहायची तीव्र इच्छा होती. मात्र, तब्बल चार दशकं हे स्वप्न पूर्ण झालं नव्हतं. अखेर मुलाच्या माध्यमातून हे स्वप्न साकार झालं आणि त्या क्षणाचं वर्णन करताना मयुरेश स्वतःही भावूक झाला.
सोशल मीडियावर पोस्ट शेअर करताना त्याने लिहिलं, “एक स्वप्न पूर्ण झालं. माझे वडील क्रिकेटचे कट्टर चाहते आहेत. आयुष्यभर त्यांना भारत-पाकिस्तानचा सामना प्रत्यक्ष पाहायचा होता. दुबईत माझा शो होता आणि योगायोगाने सामना देखील त्याच दिवशी होता. ही संधी हुकवणं शक्यच नव्हतं. मी त्यांना सरप्राईज म्हणून तिकिटं दिली आणि त्यांचं ४० वर्षांपूर्वीचं स्वप्न पूर्ण केलं.”
हा अविस्मरणीय अनुभव अधिक खास करण्यासाठी त्याने अबुधाबी महाराष्ट्र मंडळ आणि विजय माने यांचे आभार मानले. सोशल मीडियावर चाहत्यांनी आणि सेलिब्रिटी मित्रांनी त्याच्या या भावनिक पोस्टवर कौतुकाचा वर्षाव केला आहे. अनेकांनी मयुरेशचं हे कृत्य वाखाणत “खरं सोनं म्हणजे हेच” अशा प्रतिक्रिया दिल्या आहेत.
हे पण वाचा.. “एमएससी पदवीधर ते मराठी टेलिव्हिजन अभिनेत्री– अशी आहे रुचिरा जाधवची जर्नी”
Mayuresh Pemने यापूर्वी नाटकं, चित्रपट आणि मालिकांमधून वेगवेगळ्या भूमिका साकारल्या आहेत. परंतु या वेळेस त्याच्या अभिनयामुळे नव्हे, तर मुलाने वडिलांसाठी केलेल्या या सुंदर प्रयत्नामुळे तो चर्चेत आला आहे. नात्यांमधील बंध, कृतज्ञता आणि पालकांबद्दलचा आदर व्यक्त करणारी त्याची ही पोस्ट सध्या सोशल मीडियावर व्हायरल झाली आहे.
हे पण वाचा.. सायली अर्जुन मिळून शोधणार सायलीचे आई-बाबा, प्रियाची लागणार वाट Tharala Tar Mag 29 September
