sonali kulkarni lekisobat dance viral video : बॉलीवूडमधील ‘वो लडकी है कहाँ’ या गाण्याचा उल्लेख झाला की अनेकांच्या डोळ्यासमोर सर्वप्रथम अभिनेत्री Sonali Kulkarni चा चेहरा येतो. अभिनयाच्या बरोबरीने आपल्या साध्या, सरळ स्वभावाने तिने नेहमीच चाहत्यांची मने जिंकली आहेत. अलीकडेच सोनालीने शेअर केलेल्या एका डान्स व्हिडीओने पुन्हा एकदा नेटकऱ्यांचं लक्ष वेधलं आहे.
या व्हिडीओत सोनाली आपल्या लाडक्या लेकी कावेरीसोबत दिसत आहे. या मायलेकींनी थेट २००३ साली प्रदर्शित झालेल्या ‘कल हो ना हो’ सिनेमातील सुपरहिट ‘It’s the Time to Disco’ या गाण्यावर ठेका धरला. जवळपास २२ वर्षांपूर्वी लोकप्रिय झालेलं हे गाणं आजही पार्टीज आणि कार्यक्रमांत तितक्याच उत्साहाने वाजवलं जातं. त्याच गाण्यावर सोनाली आणि कावेरी यांचा जोशातला परफॉर्मन्स पाहून चाहते अक्षरशः भारावून गेले आहेत.
सोनालीने हा व्हिडीओ सोशल मीडियावर शेअर करताच तो क्षणात व्हायरल झाला. मायलेकींच्या डान्सला कोरिओग्राफर पराग टाकळकरने खास टच दिला होता. आई-मुलीच्या या धमाल नृत्याला चाहत्यांसोबतच मराठी कलाविश्वातील अनेक कलाकारांनीही पसंती दिली.
जेष्ठ अभिनेत्री नीना कुलकर्णी यांनी या व्हिडीओवर प्रतिक्रिया देताना लिहिलं, “अगं मुलींनो, इतका गोड डान्स कोण करणार?” तर लोकप्रिय नृत्यदिग्दर्शिका फुलवा खामकर यांनी “वाह! क्या बात है” असं म्हणत कौतुकाचा वर्षाव केला. याशिवाय अनेक नेटकऱ्यांनीही सोनालीच्या लेकीसोबतच्या या खास बॉन्डिंगवर प्रेमाचा वर्षाव केला.
हे पण वाचा.. अभिनेत्री Prajakta Parab हिचा साधेपणाचा सणासुदीतील अंदाज; बाप्पासाठी बनवले घरगुती नैवेद्य
सोनाली कुलकर्णीला नेहमीच ‘सो-कुल’ या टोपणनावाने चाहत्यांनी डोक्यावर घेतलं आहे. मराठी आणि हिंदी चित्रपटसृष्टीत तिने आपल्या अभिनयाचा ठसा उमटवला असला तरी खऱ्या आयुष्यात ती कुटुंबाला दिलेलं महत्त्व कायम अधोरेखित करते. या डान्स व्हिडीओतूनही तेच प्रकर्षाने जाणवतं.
आजच्या डिजिटल युगात सेलिब्रिटींचे डान्स व्हिडीओ व्हायरल होणं नवल नाही. पण सोनाली आणि कावेरीच्या या गोड नृत्याने चाहत्यांच्या मनात एका वेगळ्याच भावना जागृत केल्या आहेत. केवळ मनोरंजन नाही तर मायलेकींचं नातं किती सुंदर असू शकतं, याचा प्रत्यय या व्हिडीओतून येतो.
