madhurani gokhale navi car hyundai creta : मराठी मालिकांच्या चाहत्यांसाठी आनंदाची बातमी आहे. ‘आई कुठे काय करते’ मालिकेतून घराघरात पोहोचलेली अभिनेत्री Madhurani Gokhale पुन्हा एकदा चर्चेत आली आहे. अरुंधतीच्या भूमिकेतून प्रेक्षकांची मनं जिंकणाऱ्या मधुराणीने नुकतीच आपल्या आयुष्यातील एक खास गोष्ट चाहत्यांसोबत शेअर केली आहे. तिने नवी कोरी आलिशान Hyundai Creta कार खरेदी केली आहे.
मधुराणीने सोशल मीडियावर एक खास व्हिडीओ पोस्ट केला असून त्यामध्ये तिच्या गाडीच्या पूजेपासून ते तिच्या मित्रमैत्रिणींसोबतचा आनंद व्यक्त होताना दिसतो. साध्या, पण उत्साहाने भरलेल्या या सेलिब्रेशनमध्ये तिच्या चेहऱ्यावरचा आनंद स्पष्ट जाणवत होता. “आयुष्यातील खरा आनंद म्हणजे आपल्याजवळच्या लोकांसोबत गाठलेला यशाचा क्षणं शेअर करणं. ही नवी कार माझ्यासाठी आनंदाचं प्रतीक आहे,” असं लिहित तिने आपल्या भावना व्यक्त केल्या.
तिच्या नव्या Hyundai Creta ची किंमत व्हेरिएंटनुसार ११.११ लाख ते २०.९२ लाखांपर्यंत आहे. गाडी पेट्रोल आणि डिझेल या दोन्ही इंजिन प्रकारांमध्ये उपलब्ध असून, वेगवेगळ्या ट्रान्समिशननुसार तिच्या किंमती बदलतात. याच कारणामुळे Hyundai Creta ही गाडी मिड-सेगमेंटमधील सर्वात लोकप्रिय SUV मानली जाते.
मधुराणीच्या या पोस्टनंतर तिच्या चाहत्यांनी आणि मराठी कलाकार मित्रमैत्रिणींनी शुभेच्छांचा वर्षाव केला आहे. अनेकांनी तिच्या यशाचं कौतुक केलं तर काहींनी तिला “आता खरंच अरुंधतीची गाडी आली” असं म्हणत गंमतीदार कमेंट्सही केल्या.
हे पण वाचा.. “‘स्वराज्य’ हे फक्त घराचं नाव नाही, ती एक जबाबदारी आहे; अश्विनी महांगडेंची भावूक पोस्ट चर्चेत”
‘आई कुठे काय करते’ ही मालिका जवळपास पाच वर्षे प्रेक्षकांची आवडती ठरली होती. मालिकेनंतरही Madhurani Gokhale हिच्या लोकप्रियतेत काहीही कमी झालेलं नाही. उलट सोशल मीडियावर तिचा चाहता वर्ग दिवसेंदिवस वाढताना दिसतो.
आता या नव्या Hyundai Creta सह मधुराणीने आपल्या आयुष्यातला एक आनंददायी टप्पा पूर्ण केला आहे. तिच्या चाहत्यांना मात्र तिच्या पुढील मालिकेची किंवा प्रोजेक्टची आतुरता लागली आहे.
हे पण वाचा.. कराडच्या ग्रामस्थांची थेट मुंबईत हजेरी; ‘सखा माझा पांडुरंग’ मालिकेतील स्वरालीच्या अभिनयाचं कौतुक
