hruta durgule television comeback : मराठी टेलिव्हिजन आणि सिनेसृष्टीत आपल्या मोहक व्यक्तिमत्त्वामुळे आणि अभिनय कौशल्यामुळे वेगळी छाप पाडणारी अभिनेत्री Hruta Durgule सध्या तिच्या आगामी ‘आरपार’ या चित्रपटामुळे चर्चेत आहे. ललित प्रभाकरसोबतची तिची ही जोडी आधीपासूनच लोकप्रिय असून या सिनेमाची उत्सुकता चाहत्यांमध्ये आहे. मात्र, याच निमित्ताने तिला विचारण्यात आलेला प्रश्न – ती पुन्हा मालिकांमध्ये दिसणार का – यावर हृताने दिलेलं उत्तर सर्वांचे लक्ष वेधून घेत आहे.
हृता दुर्गुळेने टेलिव्हिजनवर जवळपास दहा वर्षांचा प्रदीर्घ प्रवास केला आहे. ‘दुर्वा’ आणि ‘फुलपाखरू’ या मालिकांमधील तिच्या भूमिका घराघरात पोहोचल्या होत्या. मात्र, सध्या ती छोट्या पडद्यावरून दूर आहे. या संदर्भात बोलताना अभिनेत्री म्हणाली, “मी पूर्वी टेलिव्हिजनवर काम केलं, पण तिथे तेवढी कमिटमेंट आता देणं माझ्यासाठी शक्य नाही. एक कलाकार आणि माणूस म्हणून मला अजून बऱ्याच गोष्टी शिकायच्या आहेत. म्हणून मालिकेत काम करताना जी शंभर टक्के प्रामाणिकता अपेक्षित असते, ती मी आता देऊ शकणार नाही.”
हृताने पुढे स्पष्ट केलं की, तिच्याकडे मालिकांसाठी ऑफर्स येतात, पण त्या स्वीकारणं व्यावहारिक दृष्ट्या कठीण आहे. कारण एका कलाकाराच्या वेळापत्रकात बदल झाला, तर संपूर्ण युनिटला त्याचा परिणाम भोगावा लागतो. “मी नाटक, मालिका आणि चित्रपट एकाचवेळी करत होते तेव्हा हे खूप अनुभवलं. त्यामुळे दमछाक होते. आता पुन्हा तसाच ताण घेणं शक्य नाही,” असं ती म्हणाली.
हे पण वाचा.. “Abhijeet Chavan fake death news” : खोट्या मृत्यूच्या बातमीवर अभिजीत चव्हाणचा संताप
अभिनेत्रीच्या या वक्तव्यामुळे तिच्या टेलिव्हिजनवरील पुनरागमनाच्या शक्यता जवळपास नाहीशा झाल्याचं दिसतं. तरीदेखील तिच्या आगामी चित्रपटांमुळे आणि नाटकांमुळे ती सतत प्रेक्षकांच्या संपर्कात राहील. Hruta Durgule ही फक्त टीव्हीपुरती मर्यादित नसून ‘टाइमपास ३’, ‘अनन्या’, ‘सर्किट’, ‘कन्नी’ यांसारख्या चित्रपटांमध्ये आणि रंगभूमीवरही तिने आपली वेगळी ओळख निर्माण केली आहे.
चाहत्यांसाठी हे नक्कीच धक्कादायक आहे की हृता पुन्हा मालिकाविश्वात झळकणार नाही. मात्र, तिच्या कारकिर्दीतील नवनवीन प्रोजेक्ट्सकडे सगळ्यांचे लक्ष लागलं आहे.
हे पण वाचा.. नव्या भूमिकेत झळकली वल्लरी विराज; इंद्रनील कामतसोबत दिसणार ‘हिट अँड व्हायरल’ सिरीजमध्ये
