jui gadkari pandharpur darshan anubhav : मराठी टेलिव्हिजनवर आपल्या अभिनयाने वेगळी छाप सोडणारी अभिनेत्री जुई गडकरी (Jui Gadkari) नुकतीच पंढरपूरच्या यात्रेसाठी गेली होती. अनेक मालिकांमधून प्रेक्षकांच्या घराघरात पोहोचलेली जुई, कामाच्या व्यस्त धावपळीतून वेळ काढत विठ्ठल-रुक्मिणीच्या चरणी नतमस्तक झाली. या वारीदरम्यान तिने आपल्या भावनांना सोशल मीडियावरून वाट मोकळी करून दिली.
जुई गडकरीने पंढरपूर मंदिरातील विठ्ठलाच्या गाभाऱ्यातील काही छायाचित्रं शेअर केली आहेत. त्या पोस्टमध्ये तिने लिहिलं – “त्याचं तेज पाहून देहभान हरपलं… पहिल्यांदा पंढरपूरला जाण्याचा योग आला, तोही अचानक! खरं तर त्यानेच मला बोलावून घेतलं. हा अनुभव शब्दात मांडणं अवघड आहे. जशी लाईन पुढे सरकत होती, तसा गाभाऱ्याचा दरवळ मनाला भिडत गेला आणि शेवटी त्याच्या पायाशी उभं राहिल्याचा क्षण अविस्मरणीय ठरला. डोळे भरून आले, मन शांत झालं. जय हरी विठ्ठल!”
जुई गडकरीची ही मनापासूनची अनुभूती वाचक आणि चाहत्यांच्या मनाला भिडली आहे. पंढरपूरच्या दर्शनाचा तिचा अनुभव वाचून चाहत्यांनीही सोशल मीडियावरून तिला शुभेच्छा दिल्या.
हे पण वाचा.. शॉर्टलिस्ट व्हायचे पण काम मिळायचं नाही’ सुचित्रा बांदेकरांनी सांगितला विद्या बालनशी जोडलेला किस्सा
सध्या जुई गडकरी स्टार प्रवाह वाहिनीवरील लोकप्रिय मालिका ‘ठरलं तर मग’ मध्ये सायली ही मुख्य भूमिका साकारत आहे. ही मालिका कायमच टीआरपीच्या यादीत अव्वल स्थानी दिसते. मालिकेत जुईसोबत अमित भानुशाली, प्रिया तेंडोलकर, मोनिका दाभाडे, प्रतिक सुरेश हे कलाकार महत्त्वाच्या भूमिका साकारत आहेत.
कलाकार म्हणून सतत प्रेक्षकांच्या नजरेत राहणारी जुई गडकरी, व्यस्त दिनक्रमातून वेळ काढून अध्यात्माशी जोडली गेली हे पाहून तिचे चाहते भारावून गेले आहेत. कामातून ब्रेक घेऊन घेतलेलं हे दर्शन तिला अनोखी शांती देऊन गेलं असल्याचं ती म्हणते. तिची पोस्ट सध्या सोशल मीडियावर चर्चेचा विषय ठरली आहे.
हे पण वाचा.. साधी माणसं फेम अभिनेता आकाश नलावडे लग्नानंतर दोन वर्षांनी होणार बाबा वाढदिवशी सोशल मीडियावर पोस्ट करत दिली खास बातमी
