Star Pravah serial update : मनोरंजन विश्वातील लोकप्रिय वाहिनी Star Pravah प्रेक्षकांसाठी नवनवीन मालिका घेऊन येत असते. परंतु नवीन मालिकांसोबतच काही जुन्या मालिकांचा प्रवास संपुष्टातही येतो. येत्या १५ सप्टेंबरपासून Star Pravah वर मोठे बदल होणार आहेत. या बदलांमुळे प्रेक्षकांच्या आवडीच्या एका मालिकेचा शेवट होणार आहे.
‘थोडं तुझं आणि थोडं माझं’ या शिवानी सुर्वेच्या मालिकेने आधीच प्रेक्षकांचा निरोप घेतला आहे. मालिकेच्या शेवटच्या दिवशी कलाकारांनी भावनिक पोस्ट शेअर करत हा प्रवास संस्मरणीय ठरल्याचं सांगितलं होतं. आता या मालिकेनंतर आणखी एक लोकप्रिय मालिका केवळ नऊ महिन्यांत संपणार असल्याची चर्चा रंगली आहे.
‘आई आणि बाबा रिटायर होत आहेत’ ही निवेदिता सराफ यांची प्रमुख भूमिका असलेली मालिका २ डिसेंबर २०२४ रोजी सुरू झाली होती. पहिल्या काही आठवड्यांतच या मालिकेला चांगला प्रतिसाद मिळाला आणि टीआरपी रेटिंगमध्येही ती वरच्या स्थानावर पोहोचली. पण अपेक्षित तेवढी लोकप्रियता दीर्घकाळ टिकू न शकल्याने ही मालिका बंद होणार असल्याच्या बातम्या समोर आल्या आहेत. अवघ्या नऊ महिन्यांत मालिकेचा प्रवास संपणार असल्याचं निश्चित झालं आहे.
हे पण वाचा.. “Priya Marathe च्या आठवणीत Aastad Kale चं भावनिक पत्र – ‘कुठून आणलीस गं ही ताकद?’”
सध्या दुपारी २:३० वाजता प्रसारित होणाऱ्या या मालिकेच्या जागी ‘शुभविवाह’ ही नवीन मालिका प्रेक्षकांच्या भेटीला येणार आहे. त्याचबरोबर दुपारी २ वाजता रुपाली भोसलेच्या प्रमुख भूमिकेतली ‘लपंडाव’ मालिका सुरू होईल. संध्याकाळच्या प्राईम टाइममध्ये आदिनाथ कोठारेची भूमिका असलेली मल्टिस्टारर ‘नशीबवान’ ही नवी मालिका रात्री ९ वाजता प्रेक्षकांसमोर येणार आहे.
यामुळे १५ सप्टेंबरपासून Star Pravah वर मालिकांच्या प्रसारण वेळेत मोठा बदल होणार आहे. जुन्या मालिकांचा निरोप घेत नवीन कथानकं प्रेक्षकांसमोर येणार असून, आता ‘लपंडाव’ आणि ‘नशीबवान’ या नव्या मालिकांना किती पसंती मिळते हे पाहणं उत्सुकतेचं ठरणार आहे.
हे पण वाचा.. देवमाणूस’ फेम किरण गायकवाडने पत्नीसह शेअर केला खास व्हिडीओ; कॅप्शनने वेधले लक्ष
