गणेशोत्सव म्हटलं की भक्ती, आनंद, उत्साह आणि सांस्कृतिक उपक्रमांची रेलचेल असते. या सणाच्या निमित्ताने मराठी मनोरंजन विश्वातील कलाकारही आपापल्या पद्धतीने बाप्पाचं स्वागत करताना दिसतात. ‘महाराष्ट्राची हास्यजत्रा’ फेम अभिनेत्री शिवाली परब (Shivali Parab) हिने यंदाच्या गणेशोत्सवात एक खास डान्स परफॉर्मन्स करत चाहत्यांची मनं जिंकली आहेत.
सध्या सोशल मीडियावर कोकणातील लोकप्रिय लोकगीत “जिकडे तिकडे चहूकडे हा नामाचा गजर चाले…” जोरदार व्हायरल होत आहे. कोकणच्या संस्कृतीचा ठसा उमटवणाऱ्या या गाण्यावर अनेकांनी रील्स तयार केल्या, त्यापैकीच सर्वाधिक चर्चेत राहिलेला व्हिडीओ म्हणजे Shivali Parab चा. अभिनेत्रीने पारंपरिक वेशभूषा परिधान करून या गाण्यावर जबरदस्त नृत्य सादर केले असून तिच्या या अदाकारीने चाहत्यांना अक्षरशः भुरळ घातली आहे.
पिवळ्या रंगाच्या देखण्या साडीत सजलेली Shivali Parab या गाण्यावर नाचताना अपार ऊर्जा आणि आत्मीयतेने थिरकताना दिसली. विशेष म्हणजे तिच्या या नृत्याला प्रसिद्ध नृत्यदिग्दर्शक रुपेश बनेची साथ लाभली. दोघांचा हा नृत्याविष्कार पाहून प्रेक्षक अक्षरशः थिरकले आहेत. याआधीही शिवाली आणि रुपेश अनेक गाजलेल्या हिंदी गाण्यांवर धमाल परफॉर्मन्स करताना चर्चेत आले होते. मात्र, यंदाच्या गणेशोत्सवात सादर केलेल्या या पारंपरिक डान्सने त्यांची जोडी पुन्हा एकदा सोशल मीडियावर गाजली आहे.
हा व्हिडीओ पाहिल्यानंतर नेटकऱ्यांनी भरभरून प्रतिक्रिया दिल्या आहेत. “शिवाली, अप्रतिम डान्स केलास”, “लय भारी!”, “तुझ्या नृत्यात आपली संस्कृती दिसली” अशा कमेंट्स चाहत्यांनी केल्या आहेत. काहींनी तर तिच्या एनर्जेटिक परफॉर्मन्सची तुलना व्यावसायिक नर्तकांशी केली आहे.
गणेशोत्सवाच्या पारंपरिक गाण्यावर सादर केलेल्या या परफॉर्मन्समुळे Shivali Parab पुन्हा एकदा चर्चेचा विषय ठरली आहे. तिच्या या डान्समधून फक्त कलात्मकता नाही, तर संस्कृतीशी असलेलं नातं आणि बाप्पाच्या आगमनाचा आनंदही सुंदरपणे प्रकट झाला आहे.
हे पण वाचा.. Ankita Walawalkar चं पहिलं गौरीपूजन; कोकणातील परंपरेनुसार सासूबाई आणि पतीसोबत अनुभवला खास क्षण
