मराठी चित्रपटसृष्टीतील लोकप्रिय अभिनेता भूषण प्रधान (Bhushan Pradhan) यंदा भावनिक क्षणांचा अनुभव घेत आहे. कारण, त्याच्या सध्याच्या घरात यंदाचाच गणेशोत्सव शेवटचा ठरणार आहे. दरवर्षी मोठ्या उत्साहात बाप्पाचं स्वागत करणारा हा अभिनेता यंदा मात्र थोडासा भावूक झालेला दिसला. सोशल मीडियावर शेअर केलेल्या निरोपाच्या आरतीतून भूषणने आपल्या चाहत्यांना ही माहिती दिली आहे.
गेल्या अनेक वर्षांपासून Bhushan Pradhan च्या मुंबईतील घरात गणपती बाप्पा उत्साहात विराजमान होत होते. दरवर्षीप्रमाणे यंदाही त्याने थाटामाटात सण साजरा केला. मात्र, या घरातला हा शेवटचा उत्सव असल्याने बाप्पाच्या निरोपावेळी त्याच्या मनात वेगळाच भावनिक क्षण दाटून आला. यंदाच्या गणेशोत्सवाला भूषणच्या घरी अनेक सेलिब्रिटींनीही हजेरी लावली. बाप्पाला निरोप देताना भूषणने “शेवटची आरती” सोशल मीडियावर शेअर केली आणि चाहतेही थोडेसे भावूक झाले.
आता पुढील वर्षी गणेशोत्सव नेमका कुठल्या घरात होईल, याबद्दल Bhushan Pradhan ने अधिकृत माहिती दिलेली नाही. मात्र, त्याचे नवीन घर मुंबईत असणार की गावी, याविषयी चाहत्यांमध्ये उत्सुकता आहे. गणेशोत्सव हा भूषणसाठी नेहमीच खास राहिला आहे. त्याने अभिनय केलेल्या ‘जुनं फर्निचर’ आणि ‘घरत गणपती’ या चित्रपटांचा थेट बाप्पाशी भावनिक दुवा जोडला जातो. विशेष म्हणजे ‘घरत गणपती’ हा चित्रपट यंदा पुन्हा एकदा गणेशोत्सवाच्या निमित्ताने थिएटरमध्ये रिलीज करण्यात आला आहे.
हे पण वाचा.. ‘ठरलं तर मग’ फेम Amit Bhanushali ची भावूक प्रतिक्रिया; म्हणाला, “आई-वडिलांना वृद्धाश्रमात ठेवू नका”
Bhushan Pradhan च्या करिअरकडे पाहिलं, तर त्याने मालिका, चित्रपट आणि रंगभूमी अशा सर्वच माध्यमांत काम केलं आहे. त्याच्या अभिनयशैलीला प्रेक्षकांनी कायम पसंती दिली आहे. वैयक्तिक आयुष्याबद्दल बोलायचं झालं तर सध्या तो अभिनेत्री अनुषा दांडेकरसोबत रिलेशनशिपमध्ये असल्याच्या चर्चा रंगल्या आहेत. दोघांनी एकत्र ‘जुनं फर्निचर’ सिनेमातही काम केलं आहे.
गणेशोत्सवासारख्या भावनिक सणाला निरोप देताना, त्यातही घरगुती सणाचं हे शेवटचं वर्ष असल्याने Bhushan Pradhan च्या चाहत्यांनाही त्याच्या भावना समजल्या. आता त्याच्या नवीन घरातील पहिल्या गणेशोत्सवाकडे सर्वांचं लक्ष लागून राहिलं आहे.
हे पण वाचा.. ‘सैराट’ फेम Rinku Rajguru आकाश ठोसरसोबतच्या बॉण्डिंगबद्दल म्हणाली,..”तेव्हापासून..
