‘ठरलं तर मग’ मालिकेमधून घराघरात पोहोचलेला अभिनेता Amit Bhanushali सध्या आनंदाच्या क्षणात आहे. अडीच वर्षांपासून अर्जुन सुभेदारच्या भूमिकेत प्रेक्षकांच्या हृदयात घर करणारा अमित अलीकडेच चर्चेत होता, कारण मालिकेतील ५० पानांच्या कोर्ट सीनने त्याला प्रचंड लोकप्रियता मिळवून दिली. या भागाला सर्वाधिक टीआरपी मिळाल्यानंतर त्याचं कौतुक सहकलाकारांसह प्रेक्षकांनीही केलं.
मात्र आता Amit Bhanushali ने त्याच्या चाहत्यांना आणखी एक सुखद बातमी दिली आहे. गणेशोत्सवानिमित्त राजश्री मराठीला दिलेल्या मुलाखतीत त्याने नव्या घराबद्दल सांगितलं. “गेल्या वर्षी बाप्पाला मनाशी एकच इच्छा मागितली होती—नवं घर व्हावं. आणि यंदा बाप्पाचं आगमन होण्यापूर्वीच ती इच्छा पूर्ण झाली,” असं अमितने आनंदाने सांगितलं.
पत्नी श्रद्धाही या क्षणात भावूक झाली. तिने म्हटलं, “गेल्या वर्षी मुलाखतीत आम्हाला विचारलं होतं, बाप्पाला काय इच्छा मागाल? तेव्हा आम्ही दोघांनी मिळून नवं घर मिळावं अशी इच्छा प्रकट केली होती. आणि यावर्षी बाप्पा यायच्या आधीच आमचं स्वप्न पूर्ण झालं. फक्त आमचंच नाही तर संपूर्ण कुटुंबाचं स्वप्न पूर्ण झालंय.”
या नव्या घराचा पत्ता ऐकून चाहत्यांनाही आनंद झाला आहे. Amit Bhanushali आणि श्रद्धा आता ३६ व्या मजल्यावरच्या नव्या घरात स्थायिक झाले आहेत. त्यांच्या शेजाऱ्यांनीही सांगितलं की, “हे लोक आल्यानंतर आमचा मजला एकदम गजबजून गेला आहे.”
हे पण वाचा.. बाई काय हा लूक! Nikki Tamboli ने फोटो शेअर करताच चाहत्यांकडून कमेंट्सचा वर्षाव
अभिनयाच्या प्रवासाकडे वळायचं झालं तर Amit Bhanushali ला सुरुवातीला प्रचंड संघर्ष करावा लागला. दीड वर्षं सतत ऑडिशन्स देऊनही त्याला संधी मिळत नव्हती. पण चिकाटी आणि मेहनतीच्या जोरावर त्याने मालिका क्षेत्रात स्वतःला सिद्ध केलं. अखेर ‘ठरलं तर मग’ या मालिकेमुळे त्याला खरी लोकप्रियता मिळाली आणि आज तो प्रेक्षकांच्या मनात खास स्थान निर्माण करू शकला आहे.
आज मात्र Amit Bhanushali आणि श्रद्धासाठी या प्रवासाचं खरं यश म्हणजे त्यांच्या नव्या घराचं स्वप्न पूर्ण झालं आहे. बाप्पाच्या आगमनाच्या निमित्ताने झालेल्या या स्वप्नपूर्तीचा आनंद त्यांच्या डोळ्यांतूनच प्रकट होताना दिसत आहे.
हे पण वाचा..Rinku Rajguru च्या घरी बाप्पाचे आगमन; अभिनेत्रीचा साडीतील लूक झाला चर्चेचा विषय
