मराठी मनोरंजन विश्वात सध्या एक मोठी चर्चा रंगली आहे आणि त्याचे कारण म्हणजे लोकप्रिय अभिनेता Adinath Kothare. दिग्दर्शक, निर्माता आणि अभिनेता अशा सर्वच भूमिकांमध्ये प्रेक्षकांच्या मनात घर करणारा आदिनाथ आता छोट्या पडद्यावर परतला आहे. ‘स्टार प्रवाह’ वाहिनीवर येणाऱ्या नव्या मालिकेत तो प्रमुख भूमिकेत दिसणार आहे. या मालिकेचं नाव आहे – ‘नशीबवान’.
‘स्टार प्रवाह’ या वाहिनीने गेल्या काही वर्षांत अनेक यशस्वी मालिका प्रेक्षकांसमोर आणल्या आहेत. टीआरपीच्या शर्यतीत कायम आघाडीवर राहण्यासाठी वाहिनी वेळोवेळी नवे प्रयोग करत असते. कधी जुन्या मालिका ऑफ-एअर केल्या जातात तर कधी प्रेक्षकांना भावणाऱ्या कथानकासह नव्या मालिका सुरू केल्या जातात. यावेळी वाहिनीने आणखी एक दमदार पाऊल टाकत Adinath Kothare या लोकप्रिय चेहऱ्याला छोट्या पडद्यावर आणले आहे.
‘नशीबवान’ या मालिकेचे खास वैशिष्ट्य म्हणजे ही मालिका स्वतः आदिनाथच्या ‘कोठारे व्हिजन्स’ या निर्मिती संस्थेअंतर्गत साकारली जात आहे. या मालिकेत तो रुद्रप्रताप घोरपडे या भूमिकेत झळकणार आहे. रुद्रप्रतापचे पात्र अगदी वेगळे, आकर्षक आणि ठळक व्यक्तिमत्त्व असलेले आहे.
नुकताच या मालिकेचा प्रोमो प्रदर्शित झाला असून त्याला चांगला प्रतिसाद मिळत आहे. प्रोमोमध्ये घोरपडे कुटुंबाच्या घरी कामानिमित्त गिरीजा येते आणि रुद्रप्रताप ( Adinath Kothare) तिला पाहताक्षणी प्रेमात पडतो असे दाखवण्यात आले आहे. पुढे कुटुंबातील मानाचा मोदक कोणाला मिळणार यावरून रंगलेले दृश्य प्रेक्षकांच्या उत्सुकतेत भर घालते. दरवर्षी मानाचा मोदक नागेश्वर घोरपडेंकडे जात असतो. मात्र यावेळी रुद्रप्रतापने गिरीजाला दिलेल्या मोदकात नाणे निघते आणि त्यामुळे घरात नवे वादळ उठते.
मालिकेत आदिनाथसोबत नेहा नाईक, सोनाली खरे, अजय पूरकर, प्राजक्ता केळकर असे अनेक अनुभवी कलाकार झळकणार आहेत. प्रत्येक कलाकाराने आपल्या खास अभिनयशैलीने मालिकेला आणखी वजनदार बनवले आहे. विशेष म्हणजे, सोनाली खरे मालिकेत रुद्रप्रतापची आत्या साकारणार असून तिच्या पात्रामुळे कथेत ठसा उमटणार आहे.
रुद्रप्रताप घोरपडे हा मालिकेतील केंद्रस्थानी असलेला नायक. दिसायला रौबदार, राजकुमारासारखा देखणा तर स्वभावानं मनमिळावू, मदत करणारा आणि गावाशी नातं टिकवून ठेवणारा. त्याचे वडील नागेश्वर घोरपडे (अजय पूरकर) मोठा व्यवसाय सांभाळतात आणि मुलाला परदेशी पाठवण्याची त्यांची इच्छा असते. पण रुद्रप्रताप मात्र गावात राहून लोकांची सेवा करण्याचा निर्णय घेतो. या विरोधाभासी नात्यामुळे पुढील कथानकात रंगत येणार आहे.
१५ सप्टेंबरपासून रात्री ९ वाजता ‘स्टार प्रवाह’वर ‘नशीबवान’ प्रेक्षकांच्या भेटीला येणार आहे. पहिल्या प्रोमोमुळेच या मालिकेबद्दल उत्सुकता वाढली असून प्रेक्षकांनी सोशल मीडियावर आदिनाथच्या कमबॅकचं स्वागत केलं आहे. Adinath Kothare याच्या स्क्रीन प्रेझेन्समुळे मालिकेला नक्कीच मोठा फायदा होणार असा अंदाज व्यक्त केला जातो.
गेल्या काही वर्षांत Adinath Kothare ने वेगवेगळ्या माध्यमांतून आपल्या कारकिर्दीला वेगळं वळण दिलं आहे. सिनेमापासून ते वेब सीरिजपर्यंत त्याने स्वतःची छाप पाडली आहे. मात्र प्रेक्षकांच्या मते, त्याला छोट्या पडद्यावर पाहण्याचा आनंद काही औरच असतो. त्यामुळे ‘नशीबवान’ ही मालिका त्याच्यासाठी आणि प्रेक्षकांसाठीही एक हुकमी एक्का ठरणार यात शंका नाही.
हे पण वाचा.. Bigg Boss 19 : मराठी कॉमेडियन प्रणित मोरेची घरात एन्ट्री, चाहत्यांमध्ये उत्सुकता शिगेला
