मराठी चित्रपटसृष्टीत आणि दूरचित्रवाहिन्यांवर आपल्या दमदार अभिनयाने प्रेक्षकांची मनं जिंकणारा अभिनेता म्हणजे देवदत्त नागे (Devdatta Nage). ‘जय मल्हार’ मालिकेत खंडोबाची प्रभावी भूमिका साकारून त्याने घराघरात लोकप्रियता मिळवली. त्यानंतर हिंदी आणि मराठी चित्रपटांमधूनही त्याने स्वतःचं वेगळं स्थान निर्माण केलं. मात्र अलीकडेच त्याने एक असा खुलासा केला, ज्याने त्याचे चाहते थोडेसे आश्चर्यचकित झाले.
Devdatta Nage ला छत्रपती शिवाजी महाराजांची भूमिका साकारण्याची संधी मिळाली होती. मराठीसह हिंदी सिनेविश्वातील अनेक कलाकारांनी या ऐतिहासिक भूमिकेत आपला ठसा उमटवला आहे. अमोल कोल्हे, चिन्मय मांडलेकर, प्रसाद ओक, शरद केळकर, सुबोध भावे आणि गश्मीर महाजनी यांसारख्या कलाकारांनी राजेंच्या व्यक्तिमत्त्वाला पडद्यावर जीवंत केलं आहे. या यादीत Devdatta Nage चं नावही सामील होणार होतं, मात्र त्याने स्वतःहून ही भूमिका नाकारली.
राजश्री मराठीला दिलेल्या मुलाखतीत Devdatta Nage ला विचारण्यात आलं की, “तुम्ही कोणत्या खास भूमिकेची वाट बघत आहात?” त्यावर त्याने अगदी मनमोकळेपणाने उत्तर दिलं – “मला छत्रपती शिवाजी महाराजांच्या भूमिकेसाठी विचारणा झाली होती. पण मी स्पष्ट सांगितलं की मी ती भूमिका करू शकत नाही. कारण राजेंचं व्यक्तिमत्त्व खूप संतुलित आणि सौम्य आहे. त्यांच्या वागणुकीत एक विशिष्ट शालीनता आहे, आणि माझ्या स्वभावात तसं संतुलन नाही.”
Devdatta Nage ने पुढे सांगितलं, “राजेंचं रौद्ररूप हे छत्रपती संभाजी महाराजांचं होतं. मी हे फक्त ‘छावा’ चित्रपटात काम केलं म्हणून सांगत नाही, पण माझा बांधा, व्यक्तिमत्त्व आणि वागणूक संभाजी महाराजांच्या प्रतिमेशी जास्त जुळतो. जेव्हा मी दाढी वाढवली होती, तेव्हा लोक मला ‘संभाजी राजे’ म्हणायचे. त्यामुळे माझा चेहरा आणि शरीरयष्टी राजेंच्या सौम्य प्रतिमेपेक्षा संभाजींच्या धाडसी प्रतिमेला जास्त साजेशी वाटते.”
हे पण वाचा.. Gashmeer Mahajani ची क्रश कोण? अभिनेता म्हणतो, “आतासुद्धा माझ्यासाठी खास…
इतकंच नव्हे, तर Devdatta Nage ने हेही स्पष्ट केलं की, एखादी ऐतिहासिक भूमिका साकारताना त्या व्यक्तिरेखेचं भावविश्व, शरीरभाषा आणि मनोभूमिका पूर्णपणे अंगीकारावी लागते. “मला वाटतं की मी छत्रपती शिवाजी महाराजांच्या सौम्य आणि संयमी व्यक्तिमत्त्वाला पूर्ण न्याय देऊ शकणार नाही. त्यामुळे ती भूमिका मी नाकारली. एखाद्या महान ऐतिहासिक व्यक्तिमत्त्वाची प्रतिमा प्रेक्षकांच्या मनात कोरली गेलेली असते. त्या प्रतिमेला कुठलाही तडजोडीचा स्पर्श नको,” असं त्याने स्पष्ट केलं.
Devdatta Nage ने गेल्या काही वर्षांत मराठीबरोबरच हिंदी चित्रपटसृष्टीतही आपलं नाव कमावलं आहे. अजय देवगणच्या ‘तान्हाजी: द अनसंग वॉरियर’मध्ये तानाजींचा विश्वासू सोबती साय्याजी मालुसरे, तर प्रभासच्या ‘आदिपुरुष’मध्ये हनुमानाची प्रभावी भूमिका त्याने साकारली. ‘सत्यमेव जयते’ आणि इतर हिंदी प्रकल्पांमधूनही त्याने अभिनयाचा ठसा उमटवला. अलीकडेच तो स्टार प्रवाहवरील ‘उदे गं अंबे’ या मालिकेतून प्रेक्षकांसमोर आला होता.
त्याच्या या निर्णयाबाबत चाहते आणि प्रेक्षक दोन्ही गटात वेगवेगळ्या प्रतिक्रिया उमटल्या आहेत. काहींना त्याची प्रांजळता आवडली, तर काहींना वाटलं की तो राजेंच्या भूमिकेलाही उत्तम न्याय देऊ शकला असता. मात्र Devdatta Nageच्या मते, भूमिकेपेक्षा त्या भूमिकेसाठी योग्य कलाकार निवडणं महत्त्वाचं आहे आणि तोच दृष्टिकोन त्याने ठेवला.
हे पण वाचा.. ‘अभंग तुकाराम’मध्ये Ajinkya Raut झळकणार; दिग्पाल लांजेकरची भक्तीमय सिनेमाट्रीप तयार
Devdatta Nage च्या या मनमोकळ्या कबुलीने एक गोष्ट स्पष्ट केली – अभिनयाच्या संधी कितीही मोठ्या असल्या तरी कलाकाराने स्वतःला त्या भूमिकेसाठी योग्य समजणं महत्त्वाचं आहे. आणि कधी कधी ‘नकार’ हा देखील एका कलाकाराचा सर्वात मोठा प्रामाणिकपणा ठरतो.
